featured photo: Birat Post

विराटनगर, २८ भदौ ।
चौधरी फाउन्डेसनले ग्रामीण र दुर्गम क्षेत्रका विपन्न समुदायलाई लक्षित गरी सञ्चालन गरिएको ‘अप्रेसन दृष्टि’ कार्यक्रम पुनः सुचारु गरेको छ ।
कोभिडका कारण लामो समयदेखि अवरुद्ध हुँदै आएको कार्यक्रम आइतबारदेखि सुनसरीको गढी गाउँपालिकाबाट सुरु गरिएको सिजी रुपका प्रादेशिक प्रशासक रामजी कटवालले जानकारी गराए ।
गढी गाउँपालिकाको सत्तेरझोडा र औरावनीमा रहेको स्वास्थ चौकीमा कार्यक्रम सञ्चालन गरिएको थियो । कार्यक्रममा विराटनगरस्थित दिव्य दृष्टि आँखा अस्पतालका अनुभवी चिकित्सकले ‘अप्रेसन दृष्टि’ कार्यक्रममार्फत निःशुल्क सेवा प्रदान गरेका थिए ।
कार्यक्रमबाट आँखासँगै कानको जाँच एवं उपचार सेवा प्रदान गरिएको थियो । गढी गाउँपालिका अध्यक्ष श्रीप्रसाद यादवले आफ्नो आँखा जाँच गराउँदै सुरु भएको कार्यक्रममा मास्क, सेनिटाइजर वितरण तथा सामाजिक दूरी कायम गर्दै कोभिडविरुद्ध सचेतना अपनाइएको थियो ।

सम्बन्धित

पाठेघरको मुखको क्यान्सरसम्बन्धी अभिमुखीकरण सम्पन्न

स्वास्थ्यमा महसुस हुने गरी काम हुँदै छ, बीमा ५ लाख पुग्छः स्वास्थ्यमन्त्री

विराटनगर महानगरद्वारा निःशुल्क अटिज्म सेवा केन्द्र सञ्चालन

विराटनगर महानगरको स्वास्थ्य क्षेत्रमा उल्लेख्य उपलब्धि , विराटनगर ५ औं स्थानमा