featured photo: Birat Post

विराटनगर,२२ भदौं ।
राष्ट्रिय विभूति युवाकवि मोतीराम भट्टको १५६ औँ जन्मजयन्ती विराटनगरमा पनि मनाइएको छ । विराटनगर वडा नं.७ द्धारा आयोजित कार्यक्रममा विराटनगर महानगरका मेयर भीम पराजुली, प्रमुख प्रशासकिय अधिकृत उमेश बस्नेत,वडाध्यक्ष मधुवावु तिवारी,आरोहण गुरुगुलका विराटनगरका अध्यक्ष भैरव क्षत्री,राष्ट्रिय गायक सुमित खड्का , युवा अभियन्ता सविन दाहाल लगायतले फुलमाला अर्पण गरेका थिए ।

विसं १९२३ भाद्र कृष्ण कुशे औँसीका दिन जन्मेर विसं १९५३ भाद्र कृष्ण कुशे औँसीकै दिन ३० वर्षको उमेरमा उनी परलोक भएका थिए । भट्टले नेपाली साहित्यको श्रीवृद्धिका लागि गहन योगदान पुर्याएका थिए । नेपाली भाषामा गजलको प्रारम्भ यीनै मोतीरामले गरेका थिए । उनका गजलमा प्रेम पाइन्छ, नारी संगत र सामिप्यता पाइन्छ । श्रृंगाररसले भरिएका उनका गजलहरू अत्यन्तै लोभलाग्दा छन् ।