featured photo: Birat Post

विराटनगर,८ भदौ ।

रघुपति जुटमिलले हीरक महोत्सव मनाएको छ । विस २००१ सालमा स्थापना भएको जुटमिल गोल्छा अर्गनाइजेशनले चलाइरहेको छ । मिलका परामर्शदाता डा. मोहनचन्द्र घिमिरेले हीरक महोत्सव मनाउन पाउदा अत्यन्त खुसी भएको बताए । अन्य जुट मिलहरू बन्द हुदा पनि रघुपति जुटमिलले निरन्तरता पाउनुमा गोल्छापरिवारको योगदान रहेको घिमिरेले बताए ।

विस २०५२ सालमा ८ करोड २० लाखमा तीन किस्तामा चुक्ता गर्नेगरी ६५ प्रतिशत शेयर सरकारबाट खरिद गरेर चलाउदै आएको जुटमिल अनबरतरुपमा चलिरहेको छ । ३३ प्रतिशत शेयर सरकार र अन्य व्यक्तिका नाममा रहेको छ । कार्यक्रममा उद्योगी दिनेश गोल्छाले आफ्नो परिवारका अग्रजहरुले गरेको अथहक मेहनतका कारण उद्योगले निरन्तरता पाएको प्रतिक्रिया दिएका थिए । सो अवसरमा उद्योग परिसरमा वृक्षारोपण समेत गरिएको थियो ।