featured photo: Birat Post

विराटनगर ३१ बैशाख ।
मोरङ जिल्लामा लगाइएको निषेधाज्ञालाई थप कडाइ गरिने भएको छ । यस संगै दश दिन निशेधाज्ञाको अवधि समेत बढाइएको छ । जेठ ११ गतेसम्म रहने निषेधाज्ञालाई थप कडाई गर्ने निर्णय भएको छ । मोरङका प्रमुख जिल्ला अधिकारी कोषहरि निरौलाले जेठ २ गतेबाट लागु हुनेगरि दश दिन निषेधाज्ञा थप गरिएको जानकारी दिए । यस्तै उद्योग क्षेत्रमा पनि कडाई गर्ने र औद्योगिक मजदुरलाई घरबाट उद्योगसम्म जान रोक लगाइने भएको छ ।

उद्योगकै आवास गृहमा रहेका मजदुर प्रयोग गरेर उद्योग सञ्चालन गर्न भने पाइने भएको छ । सङ्क्रमण बढे संगै यसखाले निर्णय गरिएको निरौलाले बताए । सरकारी कार्यालयकाअत्यावश्यक सेवाहरु बाहेक अन्य कुराहरु बन्द गरिएको छ । खाद्यान्य सागसब्जी, दूधलगायत अत्यावश्यक बस्तुतको विक्रीका लागि भने प्रशासन केही लचिलो देखिएको छ । प्रशासनले विहान १० बजेसम्मको समयमा स्वास्थ्य मापदण्ड अपनाएर किनबेच गर्न आग्रह समेत गरेको छ ।