Birat Post मंगलबार, फाल्गुण २५, २०७७ मा प्रकाशित
विराटनगर २५ फाल्गुन ।
शिसु सेवा समिति विराटनगरले विभिन्न क्षेत्रमा महत्वपूर्ण योगदान पु¥याउने चार जनालाई सोमबार विराटनगरमा सम्मान गरेको छ । शिसु सेवा समितिको ३७ औं बार्षिकोत्सवको अवसरमा विराटनगरमा आयोजित कार्यक्रममा कान्तिपुरकर्मी तथा पत्रकार महासंघ मोरङकी उपाध्यक्ष सुशीला पाठकलाई शिसु सेवा पत्रकारीता पुरस्कारबाट सम्मान गरेको हो ।
राष्ट्रिय बाल साहित्य पुरस्कारबाट साहित्यकार प्रमोद प्रधान, शान्ता उत्कृष्ठ बाल प्रतिभा पुरस्कारबाट बाल कलाकार प्रितम आचार्य सम्मानित भएका छन् । यस्तै तिर्थ स्मृत्ती रानु संगित पुरस्कारबाट संगितज्ञ सुधिर शाही सम्मानित भए । कार्यक्रममा विराटनगर महानगरपालिकाकी उपमेयर इन्दिरा कार्कीले माला, सम्मानपत्र र नगद राशीले सम्मान गरीन् ।
पुरस्कारको राशी जनही ११ हजार १ सय ११ रुपैयाँ रहेको छ । विराटनगरमा बालबालिकाको शिक्षा, स्वास्थ्यलगायतको क्षेत्रमा लामो समयदेखि काम गर्दै आएको शिसु सेवा समितिले आफ्नो बार्षिकोत्सवको अवसरमा विभिन्न क्षेत्रमा महत्वपूर्ण योगदान पु¥याउने व्यक्तित्वहरूलाई सम्मान तथा पुरस्कृत गर्दै आएको छ ।
यस्तै नेपाल निजामती कर्मचारी संगठन मोरङले पनि विभिन्न क्षेत्रमा महत्वपूर्ण योगदान पु¥याउने व्यक्तित्वहरूलाई सम्मान गरेको छ । सोमबार विराटनगरमा आयोजित सम्मान कार्यक्रममा पत्रकारिता क्षेत्रमा योगदना गरेबापत पत्रकार शुसिला पाठक, स्वास्थ्य क्षेत्र बाट मेनुका भण्डारी सम्मानित भए ।
यस्तै सामाजिक तथा शैक्षिक क्षेत्रबाट रीता न्यौपाने, राजनीतिक क्षेत्रबाट उषा झा र हिंसामा परेका महिलाको पुनस्थापनाका लागि महत्वपूर्ण योगदान पु¥याए बापत विष्णु शर्मा पन्तलाई सम्मान गरेको छ । कार्यक्रममा सम्मानित हुनेहरूलाई आन्तरिक मामिला तथा कानुन र सामाजिक विकास मन्त्री हिक्मतकुमार कार्कीले सम्मानपत्रले सम्मान गरे । यस्तै कर्मचारी संगठनमा विभिन्न जिम्मेवारी निर्वाह गर्नेहरू तथा पूर्व कर्मचारीहरूलाई पनि सम्मान गरिएको थियो ।
ताप्लेजुङको पाथीभरा क्षेत्रमा हिमपात
नेपालमै पहिलो पटक बालविकास सम्वन्धि अन्तर्राष्ट्रिय सम्मेलन हुने
ग्रेटर नेपाल अभियानका फणिन्द्र नेपाल पक्राउ
विराटपोष्ट डिजिटल प्रा.लि.
विराटनगर – मोरङ ,नेपाल
कम्पनी दर्ता प्रमाणपत्र नं.:२२७८४३/०७६/०७७
स्थायी लेखा नं.:६०९६५५९५५
सूचना तथा प्रसारण विभाग दर्ता नं:१६६५/०७६/०७७
Email: [email protected]
