Birat Post बुधबार, माघ २८, २०७७ मा प्रकाशित
विराटनगर २८ माघ ।
के तपाई सुगर(मधुमेह) रोगी हुनुहुन्छ ? रगत परिक्षणका लागि समस्या बेहोरीरहनु भएको छ ? यसो हो भने विराटनगर महानगरका स्थानियहरुले यो समस्याबाट मुक्ति पाउनु भयो । अब निःशुल्क परिक्षण हुन्छ । यसका लागि विराटनगर महानगरले मधुमेहका रोगीहरुलाई लक्ष्यित गर्दै वडा न. ५ मा ल्याब स्थापना गरेको छ । आधारभूत स्वास्थ्य केन्द्रमै रहने गरे उक्त ल्याब सञ्चालनमा ल्याइएको हो । विराटनगर महानगरका मेयर भीम पराजुलीले बुधबार एक कार्यक्रमका बीच उक्त ल्यावको उद्घाटन गर्दै सेवाग्राहीहरु लाभान्वित हुने अपेक्षा गरे ।
ल्याव सञ्चालन र यसका लागि आबश्यक ब्यवस्थापन मिलाउन समेत मेयर पराजुलीले निर्देशन दिएका छन् । यस्तै गर्भवती महिलाहरुलाई सुरक्षित प्रसुतीका लागि नगरभित्र निःशुल्क एम्बुलेन्स सेवा प्रदान गरिरहेको र यसलाई थप प्रभावकारी बनाउन आबश्यक मानिस तोक्ने र सम्पर्क नम्बर समेत नगरवासीलाई प्रदान गर्न गृहकार्य भइरहेको बताए । यसका लागि नेपाल टेलिकम संग सजिलो नम्बरहरु महानगरले माग गरिरहेको बताइएको छ । कार्यक्रममा कार्यबाहक प्रमुख प्रशासकिय अधिकृत दुर्गाप्रसाद खतिवडा,वडा न. ५ का वडाध्यक्ष मीनकुमार आचार्य,कांग्रेसका नेताहरु विमलराज भण्डारी,सुदर्शन भट्टराई ,विद्यार्थी नेता त्रिभुषण गिरी ,स्वास्थ्य अधिकृत हैदर अली ,डा.रुपेश कुमार मण्डल लगायतको सहभागिता रहेको थियो ।
ताप्लेजुङको पाथीभरा क्षेत्रमा हिमपात
नेपालमै पहिलो पटक बालविकास सम्वन्धि अन्तर्राष्ट्रिय सम्मेलन हुने
ग्रेटर नेपाल अभियानका फणिन्द्र नेपाल पक्राउ
विराटपोष्ट डिजिटल प्रा.लि.
विराटनगर – मोरङ ,नेपाल
कम्पनी दर्ता प्रमाणपत्र नं.:२२७८४३/०७६/०७७
स्थायी लेखा नं.:६०९६५५९५५
सूचना तथा प्रसारण विभाग दर्ता नं:१६६५/०७६/०७७
Email: [email protected]
