विराटनगर २७ माघ ।
वडावासीहरुलाई सूचना प्रवाहिकरणमा सहयोग पुग्ने उदेश्यका साथ विराटनगर वडा न. ४ ले डिजिटल डिस्प्ले वोर्ड स्थापना गरेको छ । मंगलबार वडा कार्यलयको भवन अगाडी स्तम्भ बनाएर उक्त डिस्प्ले राखिएको हो ।
डिस्प्लेमा हालको तापक्रम,वडाका सूचना ,कार्यालयबाट हुने सेवा प्रवाहिकरणका विषयहरु हेर्न सकिने वडाध्यक्ष देवेन्द्रराज पोखरेलले जानकारी दिए । सेवाग्राहीहरुलाई सहजताका लागि उक्त डिस्प्ले राखिएको वडाध्यक्ष पोखरेलले बताए । यसका अलावा डिस्प्लेमा विभिन्न विज्ञापन समेत हेर्न सकिने बताइएको छ । यसबाट सेवाग्राही लाभान्वित हुने अपेक्षा गरिएको छ ।