featured photo: Birat Post

मोरङ माघ २६ ।

विराटनगर ५ स्थित न्यूरो अस्पताल नजिकै रहेको एक घरबाट नेपालमा प्रतिबन्धित १० लाख भन्दा बढिको औषधीहरु प्रहरीले बरामद गरेको छ । अनुसन्धानका आधारमा विराटनगरका राम प्रसाद साहको घरमा डेरा गरी बस्ने विकाश मण्डल र उनको भाई बिक्रम मण्डलको कोठामा खोजतलासी गर्दा प्रहरीले उक्त परिणामको औषधी बरामद गरेको हो ।

खोजतलासी गर्ने क्रममा उनिहरुको कोठाबाट आइएनजे एमिडन,आइएनजे पारासिटामोल र आइएनजे डेसरिम लगायत विभिन्न ७९ ब्राण्डका दवाइहरु रहेका छन् । नेपालमा रोक लगाइएका १० लाख ३ हजार १ सय ८० रुपैया बराबरको औषधीहरु बरामद गरिएको जिल्ला प्रहरी कार्यालय मोरङले जनाएको छ ।

यसका साथै प्रहरीले कोठाबाट औषधीमा टाँस्न प्रयोग गरिने स्टीकर र ज्ए कम्पनीको कलर प्रिन्टर समेत फेला पारेको छ । बरामद गरिएको औषधी र पक्राउ परेका विक्रम मण्डललाई आवश्यक कारवाहीको लागि औषधी व्यवस्था विभाग विराटनगरमा बुझाउने कार्य भईरहेको जिल्ला प्रहरी कार्यालय मोरङले जनाएको छ ।

सम्बन्धित

बहिराहरुको भाषा संरक्षण र नयाँ शब्द संकलनमा प्रदेश सरकारले सहयोग गर्छ : मन्त्री पाँचकर्ण राई

बहिरा सम्बन्धी साङ्केतिक भाषाको गोष्ठी विराटनगरमा सुरु, मन्त्री राइले गरे उद्घाटन

हिरो मोटरसाइकलको एक्सट्रिम सिरिजका दुई मोडलको ‘ग्राण्ड लन्चिङ’

बाल्मिकी स्कुलमा खेलकुदसहित विविध कार्यक्रम सम्पन्न