अर्जुन खड्का आइतबार, माघ १८, २०७७ मा प्रकाशित
दुहबी १८ माघ ।
सुनसरीको दुहबीमा स्पोर्टस एकेडेमी निर्माण हुने भएको छ । तेस्रो मेयर कप फुटबल प्रतियोगिताको उद्घाटन गर्दै दुहबी नगरपालिकाका मेयर वेदनारायण गच्छदारले दुहबीमा चाडैं नै स्पोर्टस एकेडेमी निर्माण हुने जानकारी दिएका छन्। मेयर गच्छदारले स्पोर्टस एकेडेमी बनाउनका लागि वडा नं.७ मा रहेको भलुवा आधारभुत विद्यालय र वडा नं. ११ को दुर्गा आधारभुत विद्यालयको नाममा रहेको ५ विघा जग्गा ३५ वर्षको लागि लिजमा लिई सकेको जानकारी दिए ।‘अबको केही दिनमै स्पोर्टस् एकेडेमीका लागि भौतिक संरचना निर्माणको काम सुरु हुने गच्छदारले बताए ।
नेपाल फुटवल एशोसिएशन र दुहबी नगरपालिकाको संयुक्त लगानीमा रंङ्गशाला र २ वटा अभ्यास फिल्ड निर्माण हुनेछ । उक्त भौतिक संरचनाहरु ३५ बर्ष पछाडी विद्यालयलाई हस्तान्तण गरी नगरपालिकाले अभिभावकको रुपमा सहयोग गर्ने मेयरले जानकारी गराए ।
यस्तै समुह चरणको आजको पहिलो खेल दुहवी वडा नं.६ र दुहबी वडा नं.१२ बिच भएको थियो।उक्त खेलमा वडा नं.६ विजयी हुँदै क्वाटरफाइनलमा प्रवेश गरेको छ । खेलमा वडा नं. ६ का लागि मनिस वि.कले एक मात्र निर्णयक गोल गरेका थए । खेलको म्यान अफ द म्याच पनि मनिष भए । उनलाइ नगद सहित सम्मान गरिएको छ ।
शिक्षकहरु अब कक्षा १२ को परीक्षामा पनि सहभागी नहुने,देशभरका सबै विद्यालय अनिश्चितकालीन बन्द रहने
नेकपा एमाले विराटनगरको दोस्रो अधिवेशन हुँदै, उप-सचिवमा कला डाँगीको सम्भावना
कांग्रेसले विवेकपूर्ण निर्णय लिने बेला भो : डा.शेखर कोइराला
विराटपोष्ट डिजिटल प्रा.लि.
विराटनगर – मोरङ ,नेपाल
कम्पनी दर्ता प्रमाणपत्र नं.:२२७८४३/०७६/०७७
स्थायी लेखा नं.:६०९६५५९५५
सूचना तथा प्रसारण विभाग दर्ता नं:१६६५/०७६/०७७
Email: [email protected]
