Birat Post शुक्रबार, माघ ०९, २०७७ मा प्रकाशित
विराटनगर ९ माघ ।
उद्योग संगठन मोरङले जिल्ला प्रशासन कार्यालय मोरङबाट सरुवा भई जान लागेका सहायक प्रमुख जिल्ला अधिकारी मुकेश कुमार केशरीको बिदाइ गरेको छ ।
बिदाइका क्रममा उद्योग संगठनका अध्यक्ष भिम घिमिरेले विषम परिस्थतीमा कुशल प्रशासकको परिचय दिदै औद्योगिक क्षेत्रको संचालनमा समन्वयकारी भूमिका निर्वाह गरी सहयोग पु¥याएकोमा धन्यवाद दिदै उज्जवल भविष्यको कामना गरेका छन् । अध्यक्ष घिमिरेले सहायक प्रमुख जिल्ला अधिकारीको रुपमा केशरीले उद्योग/व्यापार क्षेत्रको समस्या समाधानमा सकारात्मक रही पु¥याएको सहयोग सदैव स्मरणीय रहने बताए ।
सहायक प्रमुख जिल्ला अधिकारी केशरीले मोरङमा रहँदा आफुले उद्योगी/व्यवसायीको समस्या नजिकबाट नियाल्न पाएको भन्दै राज्यको प्रतिनिधिका रुपमा रहेका प्रशासकले उद्योगी/व्यवसायीको पिडालाई बुझ्नु पर्ने बताए । संगठनका उपाध्यक्ष प्रदिप मुरारकाले समेत सहायक प्रमुख जिल्ला अधिकारीले दक्ष प्रशासकको रुपमा सबैपक्ष बीच समन्वयकारी भूमिका निर्वाह गरी सहयोग पु¥याएकोमा कृतज्ञता व्यक्त गर्दै उज्जवल भविष्यको कामना गरे ।
उपाध्यक्ष राकेश सुरानाले अन्यन्त सहयोगी र मिलनसार साथै सेवाग्राहीको कामलाई उच्च प्राथमिकता दिने कुशल प्रशासकको रुपमा केशरीले आफनो पहिचान उद्योगी/व्यवसायी माझ बनाएको उल्लेख गरेका छन् । कोषाध्यक्ष नन्द किशोर राठी र कार्यसमिति सदस्य विपिन कावराले विषम परिस्थितीमा उद्योगी/व्यवसाय संचालनमा केशरीले पु¥याएको सहयोग अन्य प्रशासनका लागी समेत प्रेरणाको श्रोत भएको बताएका छन् ।
ताप्लेजुङको पाथीभरा क्षेत्रमा हिमपात
नेपालमै पहिलो पटक बालविकास सम्वन्धि अन्तर्राष्ट्रिय सम्मेलन हुने
ग्रेटर नेपाल अभियानका फणिन्द्र नेपाल पक्राउ
विराटपोष्ट डिजिटल प्रा.लि.
विराटनगर – मोरङ ,नेपाल
कम्पनी दर्ता प्रमाणपत्र नं.:२२७८४३/०७६/०७७
स्थायी लेखा नं.:६०९६५५९५५
सूचना तथा प्रसारण विभाग दर्ता नं:१६६५/०७६/०७७
Email: [email protected]
