Birat Post बुधबार, माघ ०७, २०७७ मा प्रकाशित
काठमान्डौ ७ माघ ।
अखिल नेपाल फुटबल संघ (एन्फा)ले आजबाट काठमान्डौँमा शुरू गरेको महिला राष्ट्रिय फुटबल लिगको उद्घाटन विराटनगर महानगरका मेयर भीम पराजुलीले गरेका छन् । अघिल्लो वर्ष चैत ३ गतेबाटै शुरु हुने भनिएको प्रतियोगिता कोभिड महामारीका कारण रोकिएको थियो। आज भएको उद्घाटनखेल बराबरीमा रोकिएको छ। त्रिपुरेश्वरस्थित दशरथ रंगशालामा भएको खेलमा त्रिभुवन आर्मी फुटबल क्लब र नेपाल पुलिस क्लब गोलरहित बराबरीमा रोकिएका हुन्।
प्रतियोगितामा सहभागी टिमहरुमा विराटनगर महानगरपालिका, चन्द्रपुर नगरपालिका रौतहट, वालिङ नगरपालिका स्याङजा, चौदण्डगढी नगरपालिका उदयपुर, नेपाल एपीएफ क्लब, त्रिभुवन आर्मी क्लब र नेपाल पुलिस क्लब रहेका छन्। प्रतियोगितामा पहिलोदेखि तेस्रो स्थानसम्म हासिल गर्ने टिमलाई क्रमश १५ लाख, ८ लाख र ५ लाख पुरस्कार दिने एन्फाले जनाएको छ।
त्यस्तै, उत्कृष्ट स्ट्राइकर, मिडफिल्ड, डिफेन्स, गोलकिपर र प्रशिक्षकलाई ५० हजार दिने बताइएको छ। यस्तै, बेस्ट प्लेयर अफ द लिगले स्कुटर प्राप्त गर्नेछन्। हरेक टिममा २३ खेलाडी र सात अफिसियल गरी ३० जना रहने छन्। त्यस्तै, टिमले प्रतियोगिताका लागि चार विदेशी खेलाडी पनि भित्र्याउन पाउनेछन्। प्रतियोगिता एक महिनासम्म चल्नेछ। सातैवटा टोलीले एन्फाबाट तयारीका लागि एक लाख रुपैयाँ र कोभिड रिलिफ फण्डबाट ५० हजार प्राप्त गर्ने बताईएको छ ।
राप्रपाले पुष १३ गते इटहरीमा विरोधसभा गर्ने
काँग्रेसका युवा नेता प्रविन जोशी काँग्रेस क्षेत्र नं ६ (ख) को कोषाध्यक्षमा मनोनित
तेक्वान्दोको ग्रेडिङ्ग दमकमा सुरु, प्रदेश भरीको १३१ खेलाडीको सहभागि
विराटपोष्ट डिजिटल प्रा.लि.
विराटनगर – मोरङ ,नेपाल
कम्पनी दर्ता प्रमाणपत्र नं.:२२७८४३/०७६/०७७
स्थायी लेखा नं.:६०९६५५९५५
सूचना तथा प्रसारण विभाग दर्ता नं:१६६५/०७६/०७७
Email: [email protected]
