Birat Post शनिबार, पुष २५, २०७७ मा प्रकाशित
विराटनगर २५ पुस ।
मोरङका प्रमुख जिल्ला अधिकारी (सिडियो) कोशहरि निरौलालाइ खानिभन्ज्याङ्ग निरौला समाजले सम्मान तथा स्वागत गरेको छ । शनिवार विराटनगरमा एक कार्यक्रमको आयोजना गरि प्रमुख जिल्ला अधिकारी निरौलाको सम्मान गरिएको हो ।
कुलबंशमा उच्चपदमा पुग्नेहरुलाई समाजले सम्मान तथा स्वागत गर्ने गरेको छ । समाजका अध्यक्ष लेखनाथ निरौलाले माला तथा खादा ओढाएर निरौलालाई सम्मान गरेका थिए । अध्यक्ष निरौलाले परिवारका सदस्यहरु उच्च ओहदामा पुग्दा या सामाजिकरुपमा उत्कृष्ट काम गर्दा हौसला प्रदान गर्नुपर्ने बताए ।
यसै गरी प्रमुख जिल्ला अधिकारी निरौलाले राम्रो काम गर्ने आशिर्वाद दिन र निरौलाहरुको शिर उच्च बनाउने काममा आफु लाग्ने बताए । उनले देशको सेवा गर्ने अवसर प्राप्त भएको र यसको दुरुपयोग आफुले कहिल्यै नगर्ने बताए । सम्मान तथा स्वागत कार्यक्रममा ओखलढुंगा साविक थातथलो भइ बसाइँसराइका क्रममा विराटनगर लगायत विभिन्न स्थानमा रहेका निरौलाहरुको उल्लेख्य सहभागिता रहेको थियो ।
निरौलाको पुर्खौली थलो ओखलढुंगा हो । सानैदेखि लगनशिल र सामाजिक सुधारका पक्षपोषक निरौला विभिन्न जिल्लाको प्रमुख जिल्ला अधिकारीकारुपमा जिम्मेबारी सम्हालीसकेका छन् । यस भन्दा अगाडी अगाडी धनुषामा प्रमुख जिल्ला अधिकारी थिए । गत साउन १८ गते सरुवा भइ आएका निरौलाले मोरङको प्रमुख जिल्ला अधिकारीको जिम्मेबारी सम्हालिरहेका छन् ।
ताप्लेजुङको पाथीभरा क्षेत्रमा हिमपात
नेपालमै पहिलो पटक बालविकास सम्वन्धि अन्तर्राष्ट्रिय सम्मेलन हुने
ग्रेटर नेपाल अभियानका फणिन्द्र नेपाल पक्राउ
विराटपोष्ट डिजिटल प्रा.लि.
विराटनगर – मोरङ ,नेपाल
कम्पनी दर्ता प्रमाणपत्र नं.:२२७८४३/०७६/०७७
स्थायी लेखा नं.:६०९६५५९५५
सूचना तथा प्रसारण विभाग दर्ता नं:१६६५/०७६/०७७
Email: [email protected]
