featured photo: Birat Post

विराटनगर १४ पुष ।
सीमवर्ती क्षेत्र रानीका दुई स्थानमा हेल्थडेक्स ब्यवस्थित बनाइने भएको छ । भारतको जोगवनीबाट विराटनगर आउनेहरुका लागि रानीमा हेल्थडेक्स राखी विराटनगर महानगरले सेवा प्रवाह गर्दै आएको थियो । विद्यमान कोरोना संक्रमणका कारण सीमा वारपार गर्नेहरुको प्राथमिक परिक्षण र नीगरानी गर्ने काम हेल्थडेक्सवाट भइरहेको थियो ।

एकिकृत भन्सार जाच चौकीमा भने स्थाइ हेल्थ डेक्स छैन । यसका लागि विराटनगर महानगरले बिश्व स्वास्थ्य संगठन संग समन्वय गरेर हेल्थ डेक्स स्थापना गर्दै छ । मंगलवार विराटनगर महानगरका मेयर भीम पराजुली र विश्व स्वास्थ्य संगठका प्रतिनिधि सहितको टोलीले उक्त स्थानहरुको स्थलगत अनुगमन गरेका छन् । जोगवनी रानी सीमामा भने विश्व स्वास्थ्य संगठनले बस्न मिल्ने २ वटा आधार शिविर समेत बनाइदिएको छ ।यस्तै विश्व स्वास्थ संगठनले सीमावर्ती क्षेत्रका लागी आवस्यक पर्ने स्वास्थ्य उपकरण समेत प्रदान गरेको छ ।

महानगरले ३ जना स्वास्थ्यकर्मीहरू आलोपालो सिस्टममा विहान देखि वेलुका सम्म सेवा प्रवाह गर्नेगरी खटाइएको छ । भारत वाट आउनेहरूको शरिरको तापक्रम स्क्रिनिङ् गर्ने ,स्वास्थ्य परामर्श दिने र संक्रमित व्यक्ति भेटिए समन्वय गरि सेवा प्रवाह गर्ने काममा स्वास्थ्यकर्मीहरु खटिएका छन् । एकीकृत भन्सार जाँच चा‌ैकी क्षेत्रमा समेत महानगरले हेल्थ डेक्स स्थापना गर्ने भएको छ । यसमा समेत विश्व स्वास्थ्य संगठनले सहयोग गर्ने जनाएको छ । उक्त अनुगमनमा विश्व स्वास्थ्य संगठन प्रदेश १ का प्रमुख हरिकृष्ण भट्टराई , विराटनगर महानगरका प्रमुख प्रशासकीय अधिकृत इन्द्रमणि पोखरेल ,विश्व स्वास्थ्य संगठनका प्रादेशिक स्वास्थ्य आपतकालिन कार्यसन्चालन केन्द्रका डा. रबिन्द्र प्रसाद कर्ण लगायतको सहभागीता रहेको थियो ।