featured photo: Birat Post

विराटनगर २७ मंसिर ।
नेपाली कांग्रेसका सहमहामन्त्री सुनिल थापाले कार्यकर्ताको मनोभावना अनुरुप उचित संबोधन गरिने बताएका छन् । उनले कार्यकर्ताको भावना अनुरुप नयाँ सदस्यता वितरण हुने र यसमा विवाद नहुने बताएका हुन् । कांग्रेसको आगामी महाधिवेशनका लागि नयाँ क्रियाशिल र सक्रिय क्रियाशिल सदस्यतालाई पूर्णता दिदै छ ।

शनिवार विराटनगर महानगरका मेयर भीम पराजुलीले गरेको चियापान कार्यक्रममा सरिक भएका थापाले जनताले चाहेको र खोजिरहेको ब्यवस्थामा आफु अडिग रहेको बताए । प्रजातन्त्र र लोकतन्त्र देशको समृद्धिको आधार भएको भन्दै उनले यसै अनुरुप अगाडी बढिरहेको बताए । गत साउनमा राप्रपा बाट कांग्रेस छिरेका उनी धनकुटामा प्रभावशालि नेताकारुपमा गनिन्छन् ।

कांग्रेसले यही मंसिर २९ गते देशव्यापीरुपमा गर्ने विरोध कार्यक्रम अन्तरर्गत धनकुटामा हुने विरोध कार्यक्रमका लागि उनी आएका हुन् । सोही सिलसिलामा विराटनगर आएका थापाले आफु प्रजातन्त्र,लोकतन्त्र र सुधारवादी चिन्तक भएको बताए । देशमा अमनचय र शान्तिका लागि बाकी रहेको जीवन लगाउने बताए ।