लोकेश पोख्रेल शुक्रबार, मंसिर २६, २०७७ मा प्रकाशित
विराटनगर २६ मंसिर ।
मानिसहरुले धर्म प्राप्तिका लागि दान गर्ने, व्रत वस्ने, यज्ञ यज्ञादी गर्ने गर्छन् । तर धर्म कर्ममै बिस्वास गर्ने समुदायका प्रशान्त नेवटिया,किशोर नेवटिया र प्रदिप कुमार नेवटियाले यसको ठिक विपरित काम गरेका छन् । उनिहरुले हनुमानको मूर्ति फालेका छन् भने पिपलको बोट काट्ने कुचेष्टा समेत गरेका छन् ।
घटना हो विराटनगर महानगर स्थित वडा नं १५ र १६ को सीमा क्षेत्रमा रहेको जग्गाको । विवादास्पद मानिएको झण्डै १ धुर ३ कनुवा जग्गाका विषयमा स्थानीयहरु आन्दोलित भएका छन् । शुक्रबार विराटनगरमा पत्रकार सम्मेलन गर्दै स्थानीयले घटनाको भत्र्सना गरेका छन् ।
विवादास्पद जग्गामा रहेको पिपलको बोटमा हनुमानको मूर्ति राखेर स्थानियले वर्षौदेखि पुजाआजा गर्दै आएका थिए । उक्त स्थानमा नेवटिया परिवारले कब्जा गरेको गुनासो स्थानियले गरेका छन् । उक्त स्थानमा रहेको हनुमानको मूर्ति फालेको आरोप स्थानीयको छ भने त्यही रहेको पिपलको बोट काट्न लागेको भन्दै स्थानियले विरोध गरेका छन् । सो जग्गा सार्वजनिक सम्पति भएको र भोगचलन गर्न नदिने स्थानिय विकास थापाले बताए ।
नेवटिया परिवारले भने जग्गा आफ्नो भएको दाबी गर्दै आएका छन् । स्थानीयले धार्मिक आस्थामाथी खेलवाड गरेको भन्दै नेवटिया परिवारलाई कारवाही गर्न माग गरेका छन् । उच्च अदालतले दिएको आदेश समेत नमानी नेवटियाले टिनको घेराबारा गरेको भन्दै स्थानीयहरु थप आक्रोशित बनेका छन् ।
ताप्लेजुङको पाथीभरा क्षेत्रमा हिमपात
नेपालमै पहिलो पटक बालविकास सम्वन्धि अन्तर्राष्ट्रिय सम्मेलन हुने
ग्रेटर नेपाल अभियानका फणिन्द्र नेपाल पक्राउ
विराटपोष्ट डिजिटल प्रा.लि.
विराटनगर – मोरङ ,नेपाल
कम्पनी दर्ता प्रमाणपत्र नं.:२२७८४३/०७६/०७७
स्थायी लेखा नं.:६०९६५५९५५
सूचना तथा प्रसारण विभाग दर्ता नं:१६६५/०७६/०७७
Email: [email protected]
