Birat Post बुधबार, मंसिर २४, २०७७ मा प्रकाशित
विराटनगर २४ मंसिर ।
मोरङ र सुनसरीका विभिन्न स्थानबाट नियन्त्रीत लागुऔषध सहित ५ जना पक्राउ परेका छन् । ईलाका प्रहरी कार्यालय रगेंलीबाट खटिएको प्रहरी टोलीले २ जनालाई तथा ईलाका प्रहरी कार्यालय ईटहरीबाट खटिएको प्रहरी टोलीले ३ जनालाई लागुऔषध सहित पक्राउ गरेको हो ।
ईलाका प्रहरी कार्यालय रगेंलीबाट खटिएको प्रहरी टोलीले रगेंली बसपार्क बाट सुनवर्सी नगरपालिका–९ का २४ वर्षीय कुन्दन सहनी र १९ वर्षीय आदर्श दासलाई लागुऔषध नाईट्राभेट १ हजार २ सय ट्याब्लेट सहित पक्राउ गरेको छ ।
यसैगरी ईलाका प्रहरी कार्यालय ईटहरीबाट खटिएको प्रहरी टोलीले ईटहरी–९ बाट भारतिय नागरीक ओम प्रकाश यादवलाई Tramadol Hydrochloride ८ हजार क्याप्सुल, नाईट्राभेट–१० लेखिएको लागुऔषध १ हजार ६ सय ६० क्याप्सुल र १०० ml को TLANOKOF ३० वोतल सहित पक्राउ गरेको छ ।
त्यस्तै ईटहरी–१३ खनारबाट मोरङको जहदा गाउँपालिका–४ का ३७ बर्षीय उमेश कुमार मण्डललाई Tramadol ३६० क्याप्सुल र Spaspain १८८ ट्यावलेट सहित र ईटहरी–८ का १९ बर्षीय सनम बस्नेतलाई ईटहरी–६ बाट लागुऔषध Tramadol Hydrochloride ४ हजार ५०० क्याप्सुल सहित पक्राउ गरेको हो ।
पक्राउ परेका सबैजनाको सम्बन्धमा थप अनुसन्धान भईरहेको प्रहरीले जनाएको छ ।
सहकारी ठगी अभियोग लागेका कांग्रेस र एमालेका नेता पनि पक्राउ गर्नुपर्छ :राजेन्द्र लिङ्देन
जग्गाका विषयमा असहमति राख्ने नेताहरुलाई एमालेले स्पष्टीकरण सोध्ने
छ दलका नेताहरूले सरकारको ध्यानाकर्षण गराउँदै
विराटपोष्ट डिजिटल प्रा.लि.
विराटनगर – मोरङ ,नेपाल
कम्पनी दर्ता प्रमाणपत्र नं.:२२७८४३/०७६/०७७
स्थायी लेखा नं.:६०९६५५९५५
सूचना तथा प्रसारण विभाग दर्ता नं:१६६५/०७६/०७७
Email: [email protected]
