featured photo: Birat Post

विराटनगर २७ कार्तिक ।
मोरङ ट्राफिक प्रहरी प्रमुख राकेशकुमार पोद्धारले कार्यभार सम्हालेको झण्डै एक बर्ष पुग्न लागेको छ । तर यो समयमा उनले उल्लेख्य काम भने गर्न सकेका छैनन् । काम कम र गफमै समय बिताउने पोद्धारले सुरुवाती समयमा भने केही देखाउ काम गर्न भने खोजेका थिए । आउने बित्तिकै विराटनगर स्थित बरगाछी भन्दा माथिल्लो भागमा रोडडिभाइडरमा रिफ्लेक्टर राख्ने अभियान सुरु गरेका थिए । जुनठाउँमा अत्याधिक दुर्घटना हुने गर्दथ्यो ।

अभियान मात्र सुरु गरे तर त्यो कामलाई पनि उनले पूर्णता दिन सकेनन् । द्रुतगतिमा कुद्ने सवारी साधनको गति रोक्ने अभियान पनि उनको अधुरो नै रह्यो । पोद्धार भन्दा अगाडीका ट्राफिक प्रहरी प्रमुख थिए विराटगरकै शिवकुमार पोखरेल । उनले थालनी गरेको डमी ट्राफिकको निकै चर्चा भएको थियो । सुरुवाती समयमा त मापसे गर्नेहरु समेत झुक्किने गरेका थिए । तर ती डमीहरु आज कुरुप बनेर रोड डिभाइडरमा उभिरहेका छन् । यसतर्फ समेत पोद्धारको ध्यान जान सकेको छैन । सिटी रिक्सा,अटो जस्ता साधनहरुलाई समेत उनले ब्यवस्थित गर्न सकेका छैनन् । मुख्य बाटो र हाइवे भनिएको स्थानमा समेत अटोचालकहरुको गतिलाई समेत नियमन गर्न उनले सकेका छैनन् । जसका कारण धेरै दुर्घटना समेत बढ्न थालेको छ ।

डिभाइडर राखिएका स्थान र तिनको प्रबन्ध स्थानीय जनताको सरोकार संग भन्दा पनि मनोखुसी व्यवस्थापनमा समेत जुटेको भन्दै आयलनिगम देखी दुधफारम पश्चिमका बासिन्दाले विरोध गरिरहेका छन् । त्यस क्षेत्रका मानिसहरुका लागि वैकल्पिक बाटो छैन । डिभाइडर राखेपछी दुधफारम सम्म पुगेर बाटो काट्नु पर्ने बाध्यतामा स्थानीयहरु पुगेका छन् । जुन थप दुर्घटनाको कारक बन्न सक्छ ।

कोरोनाका कारण अहिले मापसे चेक पनि गर्नु पर्दैन । भीआइपीहरुको त्यत्रो भिडभाड छैन र दौडधुप पनि कमै छ । तर पनि प्रमुख पोद्धारको काम भने देखिन्न । उनको ध्यान सीमावर्ती क्षेत्रबाट आउने गाडी आयातमा मात्रै केन्द्रीत छ । यसको ज्वलन्त उदाहरण रानी, रोडशेष चौक, आयलनिगम छेउ र नेमुवा पुलसम्म हेरे पुग्छ ।

यस समाचारको खाका कोरोन्जेल सम्म हाम्रा प्रतिनिधिहरु दर्जन बढी स्थानमा पुगेर अध्ययन गरेका छन् । प्रशासकहरु पनि जनताका प्रतिनिधिनै हुन् । आफ्नो क्षेत्रमा के भइरहेको छ र स्थानीयको समस्या के हो भन्ने विषयमा न्यायोचित काम गर्न भने जरुरी देखिन्छ । विराटनगर मात्रै होइन पोद्धारको क्षेत्राधिकारमा रहेका सबै बाटोहरुमा ट्राफिक व्यवस्थापन ,त्यहाँ गरिने गतिविधि र व्यवस्थापन समेत फितलो देखिन्छ ।

सम्बन्धित

भारत उत्तर प्रदेशको प्रयागराजस्थित त्रिवेणी संगममा महाकुम्भ,धर्मानुरागीको भिड

स्वस्थानीको कथा सुन्ने र सुनाउने चलन,धर्मप्रतिको जनविश्वास अझ बढ्दो

आज माघे सङ्क्रान्ति पर्व मनाइँदै,माघ स्नान गर्न नदी किनारमा भक्तजनको भीड

यो वर्षको एसइई चैत ७ गतेदेखि