featured photo: Birat Post

विराटगर २६ कार्तिक ।
तिथि विवादका कारण तिहारको बिदा अवधि समेत थप भएको छ । सरकारले मंसिर २ गते पनि सार्वजनिक बिदा दिने निर्णय गरेको छ । सोमबार बसेको मन्त्रिपरिषद बाट यसखाले निर्णय भएको हो ।

नेपाल पञ्चाङ्ग निर्णायक समितिले यसवर्ष कार्तिक २९ गते बिहान कुकुर तिहार र साँझ लक्ष्मीपूजा, ३० गते गाई,गोरु पूजा तथा नेवाः समुदायको म्हपूजा र मंसिर १ गते गोवर्द्धन पूजा तथा भाइपूजा तोकेको छ ।

२९ गते दिउँसो १ः४९ बजेदेखि ३० गते बिहान ११ः२७ बजेसम्म औँशी तिथि रहन्छ । त्यसैले कार्तिक २९ गते लक्ष्मीपूजा गर्नु उपयुक्त हुने बताइएको छ । तर नेवाः समुदायले २९ गते नरक चतुर्दशीका दिनमा लक्ष्मीपूजा नगर्ने बताएका छन् ।

यसोगर्दा ३० गते लक्ष्मीपूजा, मंसिर १ गते नेपाल संवत् नयाँ वर्षको पहिलो दिन म्हपूजा र मंसिर २ गते मंगलबार किजापूजा भाइटीका गर्नुपर्छ ।जसका लागि सरकारले समेत बिदाको अवधि बढाएको हो ।

सम्बन्धित

ताप्लेजुङको पाथीभरा क्षेत्रमा हिमपात

छठ पर्वको अवसरमा नेता पराजुलीले गरे २७औं पटक दण्डप्रणाम

आश्विन शुक्ल अष्टमी र नवमी पर्व आज मनाइदै

यस वर्षको मनसुन बाहिरिदै,दसैँ घमाइलो हुने सम्भावना