featured photo: Birat Post

विराटनगर २६ कार्तिक ।

मोरङको विराटनगर सिमा एरियामा रहेको भारतिय बजार जोगबनीबाट भन्सार छलेर ल्याएका करिब तीन लाख भन्दा बढि मुल्य बराबरका सामानहरु बरामद गरिएको छ ।

जिल्ला प्रहरी कार्यालय मोरङबाट खटिएको प्रहरीे टोलीले विराटनगरका विभिन्न स्थानबाट ३ लाख १२ हजार ६ सय मुल्य बराबरको लत्ता कपडा तथा किराना सामानहरु बरामद गरेको हो ।

प्रहरी टोलीले विराटनगर–१६ दरैयामा रहेको एक घरबाट भन्सार छली गरी ल्याएका लत्ताकपडाहरु लुकाएर राखेको अवस्थामा बरामद गरेको हो । साथै भन्सार छली लत्ताकपडाहरु लुकाइ छिपाइ राख्ने घर धनि २५ बर्षीय राहुल राय समेत पक्राउ परेका छन् ।

बरामद गरिएको सामानहरु आवश्यक कारवाहीको लागी भन्सार कार्यालय रानी विराटनगरमा बुझाइएको जिल्ला प्रहरी कार्यालय मोरङले जनाएको छ ।