Birat Post मंगलबार, कार्तिक १८, २०७७ मा प्रकाशित
विराटनगर १८ कार्तिक ।
अपाङ्गता भएकाहरुको पहिचान सहित सेवा प्रवाहमा सहजता होस् भन्ने उदेश्यका साथ विराटनगर महानगर क्षेत्रमा कार्यरत स्वास्थ्य स्वयंसेविका तथा अस्पतालका प्रतिनिधिहरुलाई एकदिने अभिमुखिकरण तालिम प्रदान गरिएको छ । मंगलवार विराटनगरमा आयोजित कार्यक्रममा अपाङ्गताका १० विशेष अवस्था र तीनको पहिचान कसरी गर्न सकिन्छ भन्ने विषयमा केन्द्रीत रहेको थियो ।
अपाङ्गताको वर्गिकरण भए बमोजिम समाजमा भएका व्यक्तिहरुको पहिचान सहित उचित व्यवस्थापनमा सहजता ल्याउने कार्यक्रमको उदेश्य रहेको छ । समाजका विभिन्न भागमा काम गर्ने शिलशिलामा समाजमा त्यस्ता व्यक्तिहरुको पहिचान गर्ने काममा सहजीकरण गरिदिन आयोजकले तालिममा सहभागीहरुलाई आग्रह गरेका थिए ।
कोशी बहिरा संघ र विराटनगर महानगरको विशेष सहयोगमा भएको कार्यक्रमको प्रशिक्षण प्रशान्त दुलाल,आकाश घिमिरेले गरेका थिए । संघले यस भन्दा अगाडी पनि सरोकार सम्वन्ध संस्था तथा तिनका प्रतिनिधिहरु संग भावी रणनीतिका विषयमा छलफल गरेको थियो । कार्यक्रममा कोशी बहिरा संघ अध्यक्ष सुनिता तिवारी,कोषाध्यक्ष जीवन दाहाल,दोभाषे सन्तोषी तिवारी,गोमा कार्की,विराटनगर महानगरका जनस्वास्थ्य अधिकृत विनोद दिपक भट्टराई, कोशी अस्पताल,विराटनगर आखा अस्पतालबाट आएका प्रतिनिधिहरुको सहभागिता रहेको थियो ।
ताप्लेजुङको पाथीभरा क्षेत्रमा हिमपात
नेपालमै पहिलो पटक बालविकास सम्वन्धि अन्तर्राष्ट्रिय सम्मेलन हुने
ग्रेटर नेपाल अभियानका फणिन्द्र नेपाल पक्राउ
विराटपोष्ट डिजिटल प्रा.लि.
विराटनगर – मोरङ ,नेपाल
कम्पनी दर्ता प्रमाणपत्र नं.:२२७८४३/०७६/०७७
स्थायी लेखा नं.:६०९६५५९५५
सूचना तथा प्रसारण विभाग दर्ता नं:१६६५/०७६/०७७
Email: [email protected]
