Birat Post बुधबार, कार्तिक १२, २०७७ मा प्रकाशित
विराटनगर १२ कार्तिक ।
सुनसरी र मोरङका २ छुट्टाछुट्टै स्थानमा भएको सवारी दुर्घटनामा परी २ जनाको मृत्यु भएको छ । सुनसरीको रामधुनी नगरपालिका–६ को भित्री सडकखण्डमा भएको ट्रयाक्टर दुर्घटनामा बराहक्षेत्र नगरपालिका–८ का ३० वर्षीय दिनेश राजधामीको मृत्यु भएको हो ।
बालुवा बोकेको को २ त २८९२ नम्बरको ट्रयाक्टर अनियन्त्रित भई रोडमा पल्टिदा ट्रयाक्टरमा सवार रहेका राजधामीको घटनास्थलमा नै मृत्यु भएको ईलाका प्रहरी कार्यालय पकलीले जनाएको छ ।
यसैगरी मोरङको उर्लावारी नगरपालिका–४ आईतबारेमा मोटरसाईकलको ठक्करबाट पैदलयात्री कानेपोखरी गाउँपालिका–२ की ४५ वर्षीया भिम कुमारी पुरीको मृत्यु भएको छ ।
पश्चिमबाट पूर्वतर्फ जाँदै गरेको को २६ प ९२६१ नम्बरको मोटरसाईकलले ठक्कर दिंदा घाईते भएकी पुरीको अरनिको अस्पतालमा उपचारको क्रममा मृत्यु भएको थियो ।
ठक्कर दिने मोटरसाईकल र चालकलाई नियन्त्रणको लिई थप अनुसन्धान भईरहेको ईलाका प्रहरी कार्यालय उर्लाबारीले जनाएको छ ।
जग्गाका विषयमा असहमति राख्ने नेताहरुलाई एमालेले स्पष्टीकरण सोध्ने
छ दलका नेताहरूले सरकारको ध्यानाकर्षण गराउँदै
जलनको उपचार निःशुल्क गर्ने मन्त्रिपरिषदको निर्णय
विराटपोष्ट डिजिटल प्रा.लि.
विराटनगर – मोरङ ,नेपाल
कम्पनी दर्ता प्रमाणपत्र नं.:२२७८४३/०७६/०७७
स्थायी लेखा नं.:६०९६५५९५५
सूचना तथा प्रसारण विभाग दर्ता नं:१६६५/०७६/०७७
Email: [email protected]
