featured photo: Birat Post

विराटनगर ६ कार्तिक ।
विराटनगर महानगर वडा नं –४ ले पोषण भत्ता वितरण कार्यक्रम शुरु गरेको छ । ८४ वर्ष माथि पुगेका ज्येष्ठ नागरिकहरुलाई भत्ता वितरण गरिएको हो । बिहिवार वडाका विभिन्न क्षेत्रमा पुगी ५ जना ज्येष्ठ नागरिकलाई घर-घरमै पुगेर पोषण भत्ता वितरण गरिएको छ । १२ हजार र ९ हजारका दरले अवस्था हेरी वितरण गरिएको वडाध्यक्ष देबेन्द्रराज पोखरेलले जानकारी दिए । वडामा ९८ जना जेष्ठ नागरिकहरु रहेका छन् ।

उनीहरुलाई क्रमश भत्ता वितरण गरिने जनाइएको छ । विराटनगर महानगरले ज्येष्ठ नागरिकहरुका लागि प्रत्येक महिना छुट्टै १ हजार भत्ताको ब्यवस्था गरेको छ । भत्ता वितरण कार्यक्रममा विराटनगर महानगरका मेयर भीम पराजुली ,उपमेयर इन्दिरा कार्की,कार्यवाहक प्रमुख प्रशासकिय अधिकृत दुर्गा खतिवडा,सामाजिक विकास महाशाखा प्रमुख सरोज गौतम ,वडा सदस्यहरु बलकराम राजबंशी, तुलसी प्रसाद घिमिरे ,शुसिला सापकोटा ,चन्दा सरदार ,वडा सचिव भावना निरौला लगायतको सहभागिता रहेको थियो ।