रोशिका अधिकारी मंगलबार, कार्तिक ०४, २०७७ मा प्रकाशित
विराटनगर ४ कार्तिक ।
विराटनगर महानगरपालिकाको पहलमा म्याक्स इन्टरनेशनल हस्पिटल एवं ट्रमा सेन्टर विराटनगरले महेन्द्र चौकमा मंगलबार देखि ५० बेडको कोभिड अस्पताल सञ्चालनमा ल्याएको छ । विराटनगर महानगरपालिकाका प्रमुख भीम पराजुली तथा सेन्टरका प्रबन्ध निर्देशक हेमनारायण मेहता बीच आज एक सहमती कायम भई अस्पताल सञ्चालन सुरु गरिएको छ ।
सेन्टरले आफ्ना अन्य सेवा स्थगित गरी पाँच भेन्टिलेर र १२ बेडको सघन उपचार कक्ष (आईसियु) तथा अक्सिजन सहितको ५० बेडको सेवा सुरु गरेको हो । सेन्टरले १२-१२ घण्टाको पालोमा चार चिकित्सक सहित ३८ जना स्वास्थ्यकर्मी कोभिडका संक्रमित बिरामीका उपचारका लागि सेवा प्रवाह गर्ने निर्देशक मेहताले बताए ।
महानगरपालिकाको तीन थान एम्बुलेन्स र सेन्टरको अक्सिजन सहितको एक थान एम्बुलेन्सले कोभिड संक्रमित बिरामीलाई आवश्यक सेवा प्रदान गर्ने भएको छ । सेन्टरको निरीक्षण पछि महानगरपालिकाका प्रमुख पराजुलीले नागरिकको स्वास्थ्य प्रमुख दायित्व भएकोले संक्रमितको उपचारका लागि कुनै कमि हुन नदिन आवश्यक पर्ने सहयोग महानगरपालिकाले उपलब्ध गराउने बताए । अनुगमनका क्रममा अस्पतालका अध्यक्ष शत्रुघ्न यादव, विराटनगर महानगरका जनस्वास्थ्य निरिक्षक दिलिप यादव लगायतको सहभागिता रहेको थियो ।
राप्रपाले पुष १३ गते इटहरीमा विरोधसभा गर्ने
काँग्रेसका युवा नेता प्रविन जोशी काँग्रेस क्षेत्र नं ६ (ख) को कोषाध्यक्षमा मनोनित
तेक्वान्दोको ग्रेडिङ्ग दमकमा सुरु, प्रदेश भरीको १३१ खेलाडीको सहभागि
विराटपोष्ट डिजिटल प्रा.लि.
विराटनगर – मोरङ ,नेपाल
कम्पनी दर्ता प्रमाणपत्र नं.:२२७८४३/०७६/०७७
स्थायी लेखा नं.:६०९६५५९५५
सूचना तथा प्रसारण विभाग दर्ता नं:१६६५/०७६/०७७
Email: [email protected]
