Birat Post मंगलबार, कार्तिक ०४, २०७७ मा प्रकाशित
विराटनगर ४ कार्तिक ।
वरिष्ठ हाँस्यव्यङ्ग्य कवि लावण्य सापकोटाले नेपाली साहित्यमा पु¥याएको योगदानको चर्चा गरिएको छ ।
१३ औं पुण्यतिथिका अवसरमा विराटनगर–११ स्थित उनकै निवासमा भेला भएका साहित्यकारहरूले सापकोटाको निधनले हाँस्यव्यङ्ग्य साहित्यमा अपूरणीय क्षति पुगेको बताए ।
अग्रज साहित्यकार महेश प्रसाईंको अग्रसरमा आयोजित श्रद्धाञ्जलीसभामा बोल्ने वक्ताहरूले सापकोटाको निधनले विराटनगरमा हाँस्यव्यङ्ग्य साहित्य खाली भएको टिप्पणी गरे ।
प्राज्ञ विवश पोखरेलले सापकोटा असल साहित्यकार मात्रै नभएर सादा जीवन र उच्च विचारका प्रतिमूर्ति भएको बताए । “सापकोटाको निधनले विराटनगरको हाँस्यव्यङ्ग्य साहित्य टुहुरो भएको छ,” उनले भने, “अब यो रिक्तता पूरा हुन निकै समय लाग्छ ।”
साहित्यकार रामबाबु दाहालले समसामयिक विषय तिखो व्यंग्य प्रहार गर्न सक्ने क्षमता सापकोटामा भएको बताए । अर्का साहित्यकार रामबाबु दाहालले पनि सापकोटाको अवसानले हाँस्यव्यङ्ग्य साहित्यमा ठूलो क्षति पुगेको उल्लेख गरे ।
समारोहमा साहित्यकार देवी पन्थी, भरत गुरागाईं, राधिका गुरागाईं, मीनकुमार नवोदित, मुनाल पोखरेल, लेखक दिनेश श्रेष्ठ, चिकित्सक आलोक भण्डारी, कवि शिवनारायण पण्डित सिंगल, भवानी पोखरेल, वरिष्ठ अधिवक्ता विपुलेन्द्र चक्रावर्तीलगायतले सापकोटाको योगदानको चर्चा गरे ।
ताप्लेजुङको पाथीभरा क्षेत्रमा हिमपात
नेपालमै पहिलो पटक बालविकास सम्वन्धि अन्तर्राष्ट्रिय सम्मेलन हुने
ग्रेटर नेपाल अभियानका फणिन्द्र नेपाल पक्राउ
विराटपोष्ट डिजिटल प्रा.लि.
विराटनगर – मोरङ ,नेपाल
कम्पनी दर्ता प्रमाणपत्र नं.:२२७८४३/०७६/०७७
स्थायी लेखा नं.:६०९६५५९५५
सूचना तथा प्रसारण विभाग दर्ता नं:१६६५/०७६/०७७
Email: [email protected]
