Birat Post सोमबार, कार्तिक ०३, २०७७ मा प्रकाशित
विराटनगर ३ कार्तिक ।
मोरङको विराटनगर–१६ स्थित भट्टीमोडबाट ठुलो रकमको बाजी राखी सट्टेबाजीको खेल खेलाउने ३ जना पक्राउ परेका छन् । पक्राउ पर्नेमा सोही स्थानका ३७ बर्षीय पुरूषोत्तम साह, ३५ बर्षीय मन्जित साह र विराटनगर–१५ का २८ बर्षीय अपजर अली रहेका छन् ।
पक्राउ परेका तिनै जनाले यूएईमा जारी इण्डियन प्रिमियर लिग (आईपीएल) क्रिकेटमा सट्टेबाजीको कारोबार गर्ने गरेको विशेष सुचनाका आधारमा जिल्ला प्रहरी कार्यालय मोरङबाट खटिएको प्रहरी टोलीले उनिहरुलाई पक्राउ गरेको हो ।
उनिहरुको साथबाट नगद २८ हजार ५ सय रुपैंया, ३ थान डायरी, ५ थान मोबाईल र १ थान को १८ प ६८८९ नम्बरको मोटरसाईकल समेत बरामद गरिएको छ । उनिहरुले अनलाइनमार्फत सट्टेबाजी खेल खेलाउने गरेको अनुसन्धानबाट खुलेको छ ।
पक्राउ परेका तिनै जना उपर कानुनी कारबाही अगाडी बढाइएको जिल्ला प्रहरी कार्यालय मोरङले जनाएको छ ।
रास्वपा सभापति लामिछानेलाई न्यायिक हिरासतमा पठाइयो
लैससासमा विराटनगर महानगरपालिकाको नतिजा उत्कृष्ट
ढिलो गरि विराट गोल्डकपको हिसाबकिताब सार्वजनिक, आठौं संस्करणमा २२ लाख बढी घाटा
विराटपोष्ट डिजिटल प्रा.लि.
विराटनगर – मोरङ ,नेपाल
कम्पनी दर्ता प्रमाणपत्र नं.:२२७८४३/०७६/०७७
स्थायी लेखा नं.:६०९६५५९५५
सूचना तथा प्रसारण विभाग दर्ता नं:१६६५/०७६/०७७
Email: [email protected]
