featured photo: Birat Post

विराटनगर २१ असोज ।
प्रदेश १ मा आज एकैदिन ३४३ जना कोरोना संक्रमित थपिएका छन् । मोरङमा १६२, सुनसरीमा १३५, झापामा ३३, धनकुटामा ४, भोजपुर र इलाम २–२, पाँचथरमा १ र प्रदेश १ बाहिरका ४ जना रहेको सामाजिक विकास मन्त्रालयले जनाएको छ ।

मन्त्रालयका अनुसार मोरङको विराटनगरमा ५७ महिला, ८० पुरुष, पथरीशनिश्चरेमा ४ पुरुष, रंगेलीमा २ महिला, १ पुरुष, रतुवामाईमा २ महिला, १ पुरुष, सुन्दरहरैंचामा २ महिला, १ पुरुष, बेलबारीमा १ महिला, २ पुरुष, ग्रामथान र बुढीगंगामा २–२ पुरुष ,उर्लाबारी, धनपालथानमा १–१ पुरुष र स्थानिय तह नखुलेका १ महिला, २ पुरुषको रिपोर्ट पोजेटिभ आएको छ ।

यसैगरी बराहक्षेत्र र दुहवीमा २–२ पुरुष, भोक्राहानरसिंहमा २ महिला, गढी, हरिनगर, रामधुनी, इनरुवामा १–१ पुरुष, बर्जुमा १ महिला र स्थानीय तह नखुलेका २ पुरुष, झापाको विर्तामोडमा २ महिला ४ पुरुष, भद्रपुरमा ६ पुरुष, दमकमा ३ महिला ३ पुरुष, गौरादहमा २ महिला २ पुरुष, मेचीनगरमा १ महिला १ पुरुष, कमल गाउँपालिकामा २ पुरुष, कचनकवलमा १ महिला, अर्जुनधारा, हल्दिबारी र शिवसताक्षीमा १–१ पुरुष र स्थानीय तह नखुलेका ३ पुरुष रहेका छन् ।

उता धनकुटाको महालक्ष्मीमा २, धनकुटा नगरपालिकामा १ र स्थानीय तह नखुलेका १ पुरुष, भोजपुरमा १ महिला १ पुरुष, इलामको माङसेबुङ र देउमाईमा १–१ पुरुष, पाँचथरको फिदिममा १ पुरुष र प्रदेश १ बाहिरका ४ पुरुषमा संक्रमण देखिएको सामाजिक विकास मन्त्रालयले जनाएको छ ।

यससँगै प्रदेश १ मा कोरोना संक्रमितको संख्या ८ हजार ४४७ पुगेको छ । प्रदेशमा सक्रिय सङ्क्रमितको सङ्ख्या ४ हजार २२८ रहेको छ । झापा र मोरङका १–१ पुरुषको मृत्यु भएसँगै ज्यान गुमाउनेको सङ्ख्या ८७ पुगेको छ ।

प्रदेश १ मा आज १३ सय १० जनाको पीसीआर परीक्षण भएको छ । परीक्षण गरिएकामध्ये १३६ महिला र २०७ पुरुषको रिपोर्ट पोजेटिभ आएको हो । मन्त्रालयका अनुसार हालसम्म १ लाख ३० हजार ६७१ जनाको पीसीआर परीक्षण गरिएको छ ।