विराटनगर २६ भदौ ।
प्रदेश १ मा आज ८६ जना कोरोना संक्रमित थपिएका छन् । प्रयोगशालाहरुमा ९३० जनाको नमुना परीक्षण गर्दा ३७ महिला र ८४ पुरुषमा संक्रमण पुष्टि भएको हो ।
जसमध्ये ४७ जना मोरङका संक्रमित रहेका छन् । मोरङको विराटनगरका २० पुरुष, १२ महिला, धनपालथानका ८ पुरुष, १ महिला, ग्रामथानका १ पुरुष, १ महिला, सुनवर्षीका १ पुरुष, रंगेलीका २ पुरुष र बुढिगङ्गाकी १ महिलामा पुरुषमा संक्रमण पुष्टि भएको छ ।
यस्तै सुनसरी धरानका २० पुरुष, ३ महिला,इटहरीका ५ पुरुष, १ महिला, दुहवीका १ पुरुष, ७ महिला, कोशी गापाका ५ पुरुष, इनरुवाका २ पुरुष र गढि गापाका १ पुरुष गरी ४५ जना, झापा दमकका ३ पुरुष, ६ महिला, मेचिनगरका १ पुरुष, १ महिला, विर्तामोडका १ पुरुष, १ महिला र कनकाईकी १ महिला गरी १४ जना, संखुवासभाका ११ पुरुष, १ महिला, उदयपुरकी १ महिला र अन्य प्रदेश १ बाहिरका २ पुरुषको रिपोर्ट पोजेटिभ आएको छ । यससँगै प्रदेश एकमा कोरोना संक्रमितको संख्या ४ हजार ६ सय १९ पुगेको सामाजिक विकास मन्त्रालयले जनाएको छ ।
आज ६६ जना उपचारपछि निको भएर घर फर्किएका छन् । यससँगै हालसम्म डिस्चार्ज हुनेको संख्या २ हजार १९ पुगेको छ भने प्रदेशमा सक्रिय संक्रमितको संख्या २ हजार ५५६ रहेको छ ।
प्रदेश १ मा हालसम्म १२ महिला र ३२ पुरुष गरी ४४ जनाको मृत्यु भइसकेको छ ।