Birat Post बुधबार, साउन २८, २०७७ मा प्रकाशित
विराटनगर २८ साउन /
विराटनगरमा प्रत्येक वर्ष हुने गरेको श्रीराधाकृष्ण रथयात्रा सदाका बर्षहरु झै हुन सकेन । परम्परा धान्नका लागि भने गाडीमा राधाकृष्णको युगल जोडिलाई खटमा राखी नगर परिक्रमा गराइएको छ । सार्वजनिकरुपमा भिडभाड नगर्ने उदेश्य अनुरुप कार्यक्रमलाई गोप्य राख्दै खटयात्रा भने गरिएको छ ।
एसियाकै ठूलो रथयात्रा मध्ये मानिएको राधाकृष्ण रथयात्रा कोभिड–१९ संक्रमण जोखिमको कारण स्थगन भएको हो । यद्यपी खटयात्रा भने पुरानै रुटअनुसार परिक्रमा गराइएको छ ।
राधाकृष्ण धर्मशालाका अध्यक्ष बाबुराजा ओझाले सार्वजानिक रुपमा रथयात्रा गर्न यस पटक असमर्थ रहेको कुरा सवैले बुझेको र परम्परा धान्न खटयात्रा गरिएको बताए ।
विगतका बर्षहरुमा श्रीराधाकृष्ण रथयात्रामा लाखौं भक्तजनहरु सहभागी हुने गरेका थिए । १९८८ सालमा ‘खट’ यात्राबाट सुरु भई २०२५ सालदेखि रथ यात्राका रूपमा निरन्तरता पाएको रथयात्रा कोभिडका कारण प्रभावित बन्न पुगेको छ ।
खटयात्रा कार्यक्रममा पुगेका विराटनगर महानगरका मेयर भीम पराजुलीले परम्परा धान्नका लागि गरिएको कार्यक्रमको सफलताको कामना गरेका छन् । विराटनगरको ऐतिहासिक रथयात्रालाई निरन्तरता दिने उदेश्य अनुरुप खटयात्रा गरेकोमा आयोजक कमिटीलाई मेयर पराजुलीले धन्यवाद दिएका छन् ।
खटयात्राका केही दृष्य/ कौशल निरौला
ताप्लेजुङको पाथीभरा क्षेत्रमा हिमपात
नेपालमै पहिलो पटक बालविकास सम्वन्धि अन्तर्राष्ट्रिय सम्मेलन हुने
ग्रेटर नेपाल अभियानका फणिन्द्र नेपाल पक्राउ
विराटपोष्ट डिजिटल प्रा.लि.
विराटनगर – मोरङ ,नेपाल
कम्पनी दर्ता प्रमाणपत्र नं.:२२७८४३/०७६/०७७
स्थायी लेखा नं.:६०९६५५९५५
सूचना तथा प्रसारण विभाग दर्ता नं:१६६५/०७६/०७७
Email: [email protected]
