featured photo: Birat Post

विराटनगर ७ साउन ।
सुनको मूल्य तोलामा एक हजार ३०० रुपैयाँले बढेर हालसम्मकै उच्च बिन्दुमा पुगेको छ । नेपाल सुनचाँदी व्यवसायी महासंघले बुधबार छापावाला सुनको भाउ प्रतितोला ९४ हजार रुपैयाँ कायम गरेको छ । यस्तै, तेजाबी सुन भने ९३ हजार ५६० रुपैयाँ प्रतितोलामा कारोबार भइरहेको महासंघले जनाएको छ ।

त्यस्तै बुधबार चाँदीको भाउ पनि एकैदिन तोलामा ९५ रुपैयाँले बढेर प्रतितोला १ हजार १३५ रुपैयाँ पुगेको छ । यो नेपाली बजारमा चाँदीको हालसम्मकै उच्च भाउ हो । सुनको भाउ अन्तराष्ट्रिय बजारमा उच्च रुपले बढेकाले नेपाली बजारमा पनि सुनको भाउ उच्च रुपले बढेको हो ।