अधिनायकवाद बिरुद्ध लड्न अब तयार हौ
लोकेश पोख्रेल मंगलबार, साउन ०६, २०७७ मा प्रकाशित
विराटनगर ६ साउन ।
नेपाली कांग्रेसका केन्द्रीय सदस्य डा. शेखर कोइरालाले प्रजातन्त्र रक्षाका लागि खुकुरीमा धार लगाउनु पर्ने बेला आएको बताएका छन् । मंगलबार मोरङ कांग्रेसको पार्टी कार्यालयमा विश्वेश्वर प्रसाद कोईरालाको ३९ औँ स्मृति दिवसमा आयोजित कार्यक्रममा बोल्दै उनले यस्तो बताएका हुन् । प्रजातन्त्र छ की छैन भन्ने कुरा आफूले भन्न आवश्यक नभएको र सम्पुर्ण जनताले नै अनुभव गरेको भन्दै देशमा नियन्त्रित निरकुंश शासन आइसकेको उनले बताए ।
कोईरालाले राष्ट्रिय अनुसन्धान विभाग,सम्पत्ति शुद्धिकरण विभाग, राजस्व अनुसन्धान लगायत अन्य धेरै विभागहरु प्रधानमन्त्रीले आफ्नो मातहतमा ल्याएर दुरुपयोग गरेको बताए ।
अख्तियार दुरुपयोग अनुसन्धान आयोग , मानव अधिकार आयोग, लोकसेवा आयोगलाई पङगु बनाइएको र प्रधानमन्त्रीको आदेश अनुसार मात्र काम भएको आरोप समेत लगाएका छन् । न्यायपालिकामाथि जनताको विश्वास घट्न थालेको अवस्था देखिएको पनि उनले बताए ।
कम्युनिष्टहरु एक दलिय शासन व्यवस्था,जनवादि केन्द्रीयतामा विश्वास गर्ने गरेकाले सत्तामा पुगेपछि जनताले दुःख पाउने उनले बताएका छन् । कम्युनिष्टकै सरकार अघि बढेमा अधिनायकवाद ,एक दलिय शासन व्यवस्था आउने ठोकुवा गरे । बीपीले देखाएको मार्गनिर्देशन आज पनि उत्तिकै सान्दर्भिक रहेको कोइरालाले बताए ।
नेपाली कांग्रेसका जिल्ला सभापति डिग बहादुर लिम्बुको अध्यक्षतामा भएको कार्यक्रममा काग्रेस केन्द्रीय सदस्य डिला संग्रौला,हसन अन्सारी,प्रदेशसभा सदस्य केदार कार्की,विराटनगर महानगरका मेयर भीम पराजुली लगायतले आ- आफ्ना धारण राखेका थिए । उक्त कार्यक्रममा विभिन्न पार्टी परित्याग गरी दर्जनौ ब्यक्ति नेपाली कांग्रेसमा प्रबेश गरेका छन् ।
ट्राफिक कार्यालय मोरङले आतङ्क सिर्जना गरेको आरोप, निर्बाध आवागमनको माग राख्दै भन्सार एजेन्ट संघ
कोशीका सांसद लिलाबल्लभ अधिकारीविरूद्ध मुद्दा नचल्ने
उखु उत्पादन वृद्धि एवं प्रवद्र्धनमा सहयोग हुन्छ : मुख्यमन्त्री कार्की
विराटपोष्ट डिजिटल प्रा.लि.
विराटनगर – मोरङ ,नेपाल
कम्पनी दर्ता प्रमाणपत्र नं.:२२७८४३/०७६/०७७
स्थायी लेखा नं.:६०९६५५९५५
सूचना तथा प्रसारण विभाग दर्ता नं:१६६५/०७६/०७७
Email: [email protected]
