Birat Post शनिबार, आषाढ २७, २०७७ मा प्रकाशित
विराटनगर २७ असार ।
विराटनगरमा हरेक वर्ष कृष्ण जन्माष्टमीको भोलीपल्ट निस्किदै आएको ऐतिहासिक राधाकृष्ण रथयात्रा कोरोना महामारीका कारण प्रभावित हुने भएको छ । कोरोना महामारीका कारण साउन २८ गते आयोजना हुने राधाकृष्ण रथयात्रा स्थगन गरिने भएको छ ।
कोरोना संक्रमणको जोखिम बढेकाले रथयात्रा स्थगित गर्नुपरेको श्रीराधाकृष्ण रथयात्रा सञ्चालक समितिका अध्यक्ष बाबुराजा ओझाले बताए । आज पत्रकार सम्मेलन गर्दै ओझाले कोरोना संक्रमणको जोखिम भएकाले सार्वजनिक रुपमा रथयात्रा नगर्ने निर्णय भएको जानकारी दिए ।
साउन १५ देखि २७ गतेको झुलन महोत्सव र २८ साउनको राधाकृष्ण रथयात्रा सार्वजनिक रुपमा गर्न नसक्ने तर कार्यसमितिले चुनेका समिति तथा पदाधिकारी र पण्डितहरुले आन्तरिक रुपमा आयोजना गर्ने उनले बताए ।
विराटनगरको यो रथयात्रामा वार्षिक रुपमा चारलाख भन्दा बढि भक्तजन सहभागि हुने गरेका थिए । वि.सं. १९८८ सालदेखि सुरु भएको खटयात्रा वि.स् २०२५ सालयता रथयात्रा गरिदै आएको छ तर कोरोना महामारीका कारण यसबर्ष रथयात्रा स्थगित हुने छ ।
ताप्लेजुङको पाथीभरा क्षेत्रमा हिमपात
नेपालमै पहिलो पटक बालविकास सम्वन्धि अन्तर्राष्ट्रिय सम्मेलन हुने
ग्रेटर नेपाल अभियानका फणिन्द्र नेपाल पक्राउ
विराटपोष्ट डिजिटल प्रा.लि.
विराटनगर – मोरङ ,नेपाल
कम्पनी दर्ता प्रमाणपत्र नं.:२२७८४३/०७६/०७७
स्थायी लेखा नं.:६०९६५५९५५
सूचना तथा प्रसारण विभाग दर्ता नं:१६६५/०७६/०७७
Email: [email protected]
