Birat Post बिहिबार, आषाढ २५, २०७७ मा प्रकाशित
विराटनगर २५ असार ।
विराटनगर महानगरपालिकाका ३५ जना कृषकलाई स्प्रेमेशिन वितरण गरेको छ । महानगरपालिकाले गरिबसँग विश्वेश्वर कार्यक्रम अन्र्तगत किसानहरुलाई खेतबारीमा औषधी छर्कने मेशिन वितरन गरेको हो ।
विराटनगर– ८ स्थित वडा कार्यालयमा विहिवार एक अनौपचारिक कार्यक्रमका बीच विराटनगर महानगरपालिकाका प्रमुुख भीम पराजुुलीले कृषकलाई मेशिन वितरण गरेका थिए । महानगरपालिकाले अढाई लाख रुपैयामा वेट्रिबाट चल्ने मेशिन खरिद गरेको हो ।
विराटनगर– ८ र १४ नम्बर वडाका कृषकलाई १६ लिटर क्षमता रहेको स्प्रे मेशिन वितरण गरिएको महानगरपालिका सामुुदायिक विकास महाशाखा प्रमुुख पुुनम दाहालले बताए ।
महानगरपालिका प्रमुुख पराजुुलीले तरकारी तथा अन्यबालीमा औषधी छर्कन सजिलो होस् भन्ने उदेश्यले मेशिन वितरण गरिएको भन्दै त्यसको सहि उपयोग गर्न कृषकलाई आग्रह गरे ।
विश्वेश्वर प्रसाद कोइरालाले प्रधानमन्त्री हुुदा गरिबको अनुुहार हेरेर योजना बनाउन मन्त्रीहरुलाई भनेको प्रसंग उल्लेख गर्दै उनले महानगरपालिकाले यसवर्षको बजेटमा कृषि र स्वास्थ्यलाई लक्षित गर्दै योजनाहरु ल्याएको बताए । मेयर पराजुुलीले मेशिनको प्रयोग गरेर बालीनालीमा लाग्ने किराबाट बालीलाई जोगाएर उत्पादन बढाउन कृषकलाई आग्रह समेत गरे ।
गरिबसंग विश्वेश्वर कार्यक्रमका संयोजक युुवा भन्डारीले व्यवसायिक कृषकलाई मेशिन वितरण गरिएको बताए । विराटनगर–८ का किसान प्रेमलाल राजवंशीले यसअघि मेशिन नहुुदा अरुसंग मेशिन मागेर खेतबारीमा प्रयोग गर्दै आएकोमा अब मेशिन पाएपछि धेरै सहज हुुने बताए ।
ताप्लेजुङको पाथीभरा क्षेत्रमा हिमपात
नेपालमै पहिलो पटक बालविकास सम्वन्धि अन्तर्राष्ट्रिय सम्मेलन हुने
ग्रेटर नेपाल अभियानका फणिन्द्र नेपाल पक्राउ
विराटपोष्ट डिजिटल प्रा.लि.
विराटनगर – मोरङ ,नेपाल
कम्पनी दर्ता प्रमाणपत्र नं.:२२७८४३/०७६/०७७
स्थायी लेखा नं.:६०९६५५९५५
सूचना तथा प्रसारण विभाग दर्ता नं:१६६५/०७६/०७७
Email: [email protected]
