featured photo: Birat Post

विराटनगर १२ असार ।
विराटनगर महानगरमा थप २ जनामा कोरोना संक्रमण पुष्टि भएको छ । विराटनगर स्थित वडा नं.६ का श्रीमान-श्रीमतिमा कोरोना भाइरस (कोभिड १९) को संक्रमण देखिएको हो । संक्रमित पुष्टि भएका ३१ वर्षीय श्रीमान् र २१ वर्षीया श्रीमती गत असार ४ गते बिहीबार जोगबनी नाका हुदैं विराटनगर आएका थिए । उनीहरु दुवै जनाको शुक्रबार पीसीआर रिपोर्ट पोजेटिभ आएको हो ।

पुष्टि भएका दुवै जनालाई कोभिड १९ उपचार केन्द्र पठाउने तयारी भइरहेको महानगरका जनस्वास्थ्य महाशाखाका प्रमुख रमेश कार्कीले जानकारी दिए । उनिहरु महानगरको क्वारेन्टाइनमा बसिरहेका थिए । यो संगै हाल सम्म विराटनगर महानगरका १० जनामा कोरोना संक्रमण पुष्टि भएको छ । जसमा ५ जना महिला ,५ जना पुरुष रहेका छन् ।