Birat Post मंगलबार, आषाढ ०२, २०७७ मा प्रकाशित
विराटनगर २ असार ।
कांग्रेसले प्रतिपक्षको भूमिका खेल्न नसकिरहेको आरोप खेपिरहेका बेला देशभरका कांग्रेसी आन्दोलित भएका छन् । यस पटकको आन्दोलन भने देशमा बिद्यमान समस्या समाधानमा सरकार कमजोर भएको निष्कर्ष सहितको छ । यस संगै मोरङ काग्रेसले क्वारेन्टाइन व्यवस्थित गर्नुपर्ने, जिल्ला ,जिल्लामा कोरोना उपचारका लागि अस्पतालको व्यवस्था गर्नुपर्ने, लकडाउन पीडित जनतालाई राहतको व्यवस्था गर्नुपर्ने , सरकारी रकम दुरुपयोग रोक्नुपर्ने लगायतका माग राख्दै मंगलवार मोरङका प्रमुख जिल्ला अधिकारी मदन भुजेल मार्फंत प्रधानमन्त्रीलाई ज्ञापनपत्र बुझाएको छ ।
ज्ञापनपत्र बुझाउँदै नेपाली कांग्रेस मोरङका सभापति डिगबहादुर लिम्बुले सरकारले सडक, अस्पताल, प्राविधिक शिक्षालयलगायत हरेक क्षेत्रलाई कम्युनिष्ट नेताहरूको नाममा नामाकरण गरेर राजनीति गरिरहेको आरोप लगाए । लिम्बुले मोरङको मंगलबारे अस्पतालको नाम परिवर्तन गर्न खोजे मुडभेडको अवस्था आउने चेतावनी पनि दिए ।
सचिव मोदराज घिमिरेले सरकारले जनजीविकाको विषयलाई ध्यान नदिएको गुनासो गरे । घिमिरेले कांग्रेस मोरङले क्वारेन्टाइन व्यवस्थित गर्नुपर्ने, कोरोना उपचार र रोकथाममा भएको भ्रष्टाचारको छानविन गरी दोषीलाई कार्वाही गर्नुपर्ने लगायतका २२ बुंदे माग राखेर ज्ञापनपत्र बुझाएको जानकारी दिए । ज्ञापनपत्र बुझ्दै मोरङका प्रमुख जिल्ला अधिकारी मदन भुजेलले सम्बन्धित निकायमा पु¥याउने बताए ।
ज्ञापनपत्र बुझाउनु अघि कांग्रेस कार्याकर्ताले सरकार विरुद्ध नाराबाजी गर्दै ¥यालीसमेत निकालेका थिए । उक्त कार्यक्रममा नेपाली कांग्रेसका उपसभापति भक्तिनाथ माझी,सचिव नागेश कोइराला,कांग्रेस विराटनगर महानगरका सभापति अरुण न्यौपाने लगायतको सहभागिता रहेको थियो ।
कोशीका सांसद लिलाबल्लभ अधिकारीविरूद्ध मुद्दा नचल्ने
उखु उत्पादन वृद्धि एवं प्रवद्र्धनमा सहयोग हुन्छ : मुख्यमन्त्री कार्की
पूर्व गृहमन्त्री रवि लामिछानेलाई प्रहरीले बयानका लागि काठमाडौं ल्याउने
विराटपोष्ट डिजिटल प्रा.लि.
विराटनगर – मोरङ ,नेपाल
कम्पनी दर्ता प्रमाणपत्र नं.:२२७८४३/०७६/०७७
स्थायी लेखा नं.:६०९६५५९५५
सूचना तथा प्रसारण विभाग दर्ता नं:१६६५/०७६/०७७
Email: [email protected]
