featured photo: Birat Post

काठमान्डौ २ असार ।
देशका अधिकांश क्षेत्रमा मनसुन सक्रिय भएको छ । मनसुन सक्रिय हुँदा केही दिन यता मौसममा बदलाव आएको जल तथा मौसम पूर्वानुमान महाशाखाले जनाएको छ । पूर्वबाट भित्रिएको मनसुन हाल मध्य हुँदै गण्डकी र प्रदेश नम्बर पाँचका केही क्षेत्रसम्म पुगेको छ । कर्णाली र सुदूरपश्चिम प्रदेशमा भने मनसुन पुग्ने क्रममा रहेको छ ।

यो वर्षको मनसुनमा औषत पानी पर्ने पूर्वानुमान गरिएकाले किसानलाई सहज हुने देखिएको मौसमविदहरुले बताएका छन् । नेपालको पूर्वी र मध्य भू–भागमा मनसुनी वायु तथा पश्चिमी भू–भागमा पश्चिमी वायुको प्रभाव रहेका कारण देशका पूर्वी,मध्य भागमा भारी वर्षाको सम्भावना रहेको छ ।