Birat Post बुधबार, जेठ २८, २०७७ मा प्रकाशित
विराटनगर २८ जेष्ठ ।
कोरोना महामारी नियन्त्रणका लागि पीसीआर परिक्षण कार्यक्रमलाई प्रभावकारीरुपमा सञ्चालन गर्न माग राख्दै विराटनगरका युवा अभियनकर्मीेले सरकार विरुद्ध प्रदर्शन गरेका छन् ।
सामाजिक दुरी कायम राख्दै बुधवार भाटभटेनी चोकमा गरिएको विरोध प्रदर्शनमा पीसीआर परिक्षणको दायरा फराकिलो बनाइनु पर्ने , कोरोना कोषमा जम्मा भएको रकम र खर्च भएको रकमको सार्वजनिक गर्नुपर्ने ,असुरक्षित भनिएका क्वारेन्टाइनको व्यवस्थापन गर्नुपर्ने लगायतका माग राख्दै प्रदर्शन गरिएको थियो ।
सामाजिक अभियन्ता नमिता आचार्यको नेतृत्वमा भएको प्रदर्शनमा लकडाउनको समयमा जबरजस्ती जनताबाट कर उठाउन लागेको विषयमा समेत विरोध जनाइएको छ । अभियन्ता आचार्यले सरकारले स्वास्थ्य क्षेत्रमा गरिरहेको काम कमजोर रहेको र जनताले सास्ती भोगिरहेको आरोप लगाएकी छन् ।
क्वारेन्टाइनको स्तर सुधार र पीसीआर परिक्षणको दायरा फराकिलो बनाउन सरकारले नसकेको र यसका लागि सवै अभियन्ताहरुले घचघचाउन जरुरी भएको आचार्यले बताइन् । यसका लागि युवा अभियन्ताहरुलाई जुट्न समेत आचार्यले आग्रह गरेकी छन् ।
ताप्लेजुङको पाथीभरा क्षेत्रमा हिमपात
नेपालमै पहिलो पटक बालविकास सम्वन्धि अन्तर्राष्ट्रिय सम्मेलन हुने
ग्रेटर नेपाल अभियानका फणिन्द्र नेपाल पक्राउ
विराटपोष्ट डिजिटल प्रा.लि.
विराटनगर – मोरङ ,नेपाल
कम्पनी दर्ता प्रमाणपत्र नं.:२२७८४३/०७६/०७७
स्थायी लेखा नं.:६०९६५५९५५
सूचना तथा प्रसारण विभाग दर्ता नं:१६६५/०७६/०७७
Email: [email protected]
