Birat Post बुधबार, जेठ २८, २०७७ मा प्रकाशित
विराटनगर २८ जेष्ठ ।
लक्षण बिहीन संक्रमितबाट कतिमा कोरोना भाइरसको संक्रमण फैलियो भन्ने कुरा अझै अस्पष्ट रहेको विश्व स्वास्थ्य संगठन (डब्लुएचओ) ले प्रष्ट पारेको छ । कोरोना भाइरस सम्बन्धी डब्लुएचओकी प्राविधिक प्रमुख डा. मारिया भान केर्खोभले लक्षण बिहीन व्यक्तिबाट कोरोना भाइरसको संक्रमण फैलिने जोखिम ‘अति दुर्लभ’ रहेको बताएकी थिइन् । उनको यो टिप्पणीलाई लिएर विवाद सिर्जना भएको थियो ।
डब्लुएचओले सोही परिवेशमा लक्षण बिहीन संक्रमितबाट कतिमा संक्रमण फैलियो या त्यसको दर कस्तो छ भन्ने कुरा अझै पनि स्पष्ट रुपमा थाहा नभएको बताएको छ । डा. मारियाले आफ्नो टिप्पणी अति सीमित अध्ययनमा आधारित रहेको बताएकी छन् । प्रमाणहरुले लक्षणसहितका संक्रमितबाट अरुमा संक्रमण फैलिन सक्ने जोखिम अधिक हुने देखिएका छन् । तर कोभिड–१९ एक व्यक्तिबाट अर्को व्यक्तिमा बिना लक्षण पनि फैलिन सक्छ ।
वैज्ञानिकहरुले लक्षण बिहीन संक्रमितबाट अरुमा संक्रमण फैलिने जोखिम कति रहन्छ भन्ने बारे अनुसन्धान गरिरहेको डब्लुएचओले जानकारी दिएको छ । संक्रमितमा लक्षण नदेखिएको एवम् उनीहरुको स्वास्थ्य अवस्था सामान्य नै रहेता पनि सावधानी नअपनाएमा संक्रमितबाट अरुमा संक्रमण फैलिन सक्ने सम्भावना रहेको डब्लुएचओले जनाएको छ ।
ताप्लेजुङको पाथीभरा क्षेत्रमा हिमपात
नेपालमै पहिलो पटक बालविकास सम्वन्धि अन्तर्राष्ट्रिय सम्मेलन हुने
ग्रेटर नेपाल अभियानका फणिन्द्र नेपाल पक्राउ
विराटपोष्ट डिजिटल प्रा.लि.
विराटनगर – मोरङ ,नेपाल
कम्पनी दर्ता प्रमाणपत्र नं.:२२७८४३/०७६/०७७
स्थायी लेखा नं.:६०९६५५९५५
सूचना तथा प्रसारण विभाग दर्ता नं:१६६५/०७६/०७७
Email: [email protected]
