featured photo: Birat Post

विराटनगर २५ जेष्ठ ।
खोटाङमा खुकुरी प्रहारबाट एक जनाको मृत्यु भएको छ भने एक महिला घाइते भएकी छन् । आइतबार खोटाङको केपिलासगढी गाउँपालिका–२ खार्ताम्छामा खुकुरी प्रहारबाट ६५ वर्षीय डिल्लीराज राईको मृत्यु भएको हो भने ६२ वर्षीया सममाया राई घाइते भएकी छन् । डिल्लीराज र सममाया श्रीमान–श्रीमती रहेको प्रहरीले जनाएको छ ।

आज बिहान स्थानीय ३६ वर्षीय शुभराज राईले सोही स्थान बस्ने डिल्लीराज र उनकी श्रीमती सममायामाथि खुकुरी प्रहार गरेका थिए । खुकुरी प्रहार बाट घाइते बनाएको खबर संगै पुगेको प्रहरीले उद्दार गरेको थियो । घाइते दुवै जनालाई उपचारको लागि हेलिकोप्टरद्वारा काठमाण्डौ पठाउने तयारी हुँदै गर्दा डिल्लीराजको मृत्यु भएको जिल्ला प्रहरी कार्यालय खोटाङले जनाएको छ । यस्तै घाइते सममायालाई हेलिकोप्टरद्वारा काठमाण्डौ पठाइएको छ । खुकुरी प्रहार गर्ने शुभराज राईलाई पक्राउ गरी अनुसन्धान गरिरहेको प्रदेश नंं १ प्रहरी कार्यालयले जनाएको छ ।