featured photo: Birat Post

जोगवनी २४ जेष्ठ ।
भारतमा लकडाउन खुकुलो पारिएको छ । त्यहाँ व्यपार ,व्यवसाय सञ्चालनमा आएका छन् । मानिसहरु पुनः पुरानै परिस्थितीमा फर्कन खोज्दैछन् ,यद्यपी कोरोना भाइरसको संक्रमण भने लगातार बढिरहेको छ । हिजो मात्रै भारतमा अहिलेसम्मकै धेरै व्यक्तिमा संक्रमण पुष्टि भएको छ । शुक्रबार मात्रै ९ हजार ८८७ जनामा कोरोना भाइरसको संक्रमण पुष्टि भएको छ ।

यस्तै शुक्रबारनै कोभिड–१९ बाट २९४ जनाको ज्यान गएको स्वास्थ्य तथा परिवार कल्याण मन्त्रालयले जनाएको छ । भारतमा हालसम्म दुई लाख ३६ हजार भन्दा बढीमा संक्रमण पुष्टि भएको छ । यस्तै ज्यान गुमाउनेको कुल संख्या ६ हजार ६४२ पुगेको छ । यस्तै अहिलेसम्म एक लाख १४ हजार भन्दा बढी संक्रमण मुक्त भएका छन् ।