featured photo: Birat Post

विराटनगर २० जेष्ठ ।
हिन्दुधर्मावलम्बीले तुलसीको दल राखी मंगलबार निर्जला एकादशी पर्व मनाउँदैछन् । प्रत्येक वर्ष ज्येष्ठ शुक्ल एकादशीका दिन तुलसीको दल राख्ने गरिन्छ । मंगलबार दल राखिएको तुलसी एक महिनापछि अर्थात आषाढ शुक्ल एकादशीका दिन मोठमा रोपिन्छ । आषाढ शुक्ल एकादशीदेखि कात्तिक शुक्ल एकादशीसम्म चार महिना भगवान विष्णुको प्रतीकका रुपमा तुलसीको पूजा आराधना गरिन्छ । यो अवधिमा चतुर्मास गर्ने चलन समेत छ । तुलसी रोपिएको स्थान र माटोलाई पवित्र मानिन्छ ।

सनातन हिन्दू धर्मावलम्बीले जीवनको अन्तिम क्षणमा पुगेकालाई तुलसी मिश्रित जल पिलाउने गर्छन् । यसो गर्दा आत्मा पवित्र हुने र लोकान्तर प्राप्तिमा सहयोग पुग्ने शास्त्रीय मान्यता रहेको छ । तुलसीको पूजा आराधना गर्नेले मोक्ष प्राप्ति गर्छन् भनी विभिन्न पुराणमा उल्लेख गरिएको छ । यस कुरालाई अहिले पनि धार्मिक व्यक्तिहरुले मान्दै आएका छन् भने बैज्ञानिक दृष्टिकोणले समेत तुलसी गुणयुक्त बनस्पतीकारुपमा प्रमाणीत भइसकेको छ ।

सम्बन्धित

ताप्लेजुङको पाथीभरा क्षेत्रमा हिमपात

छठ पर्वको अवसरमा नेता पराजुलीले गरे २७औं पटक दण्डप्रणाम

आश्विन शुक्ल अष्टमी र नवमी पर्व आज मनाइदै

यस वर्षको मनसुन बाहिरिदै,दसैँ घमाइलो हुने सम्भावना