Birat Post सोमबार, जेठ १२, २०७७ मा प्रकाशित
विराटनगर १२ जेष्ठ ।
लकडाउन संगै नेपाली कांग्रेस विराटनगर महानगरले बिरामी तथा कुरुवाहरुलाई खाना खुवाउन शुरु गरेको अभियानले ५० औ दिन पुरा गरेको छ । नगरका कार्यबाहक सभापति अरुण न्यौपानेको संयोजनमा खाना खुवाउने अभियान शुरु भएको हो । नोबेल मेडिकल कलेज विराटनगरमा उपचारमा आउने बिरामी र बिरामीका कुरुवाहरुलाई महानगर समितिले दिनहु खाना खुवाउने काम गरिरहेको छ ।
लकडाउनका कारण खाना खाने स्थानको अभाव झेलिरहेका हजारौ बिरामी र विरामीका कुरुवाहरुले राहत पाएका छन् । यसका लागि नगरका कार्यबाहक सभापति अरुण न्यौपानेले गरेको कार्यको चौतर्फी प्रशंसा भएको छ । साझको समयमा नोबेल अस्पतालमा खाना बितरण हुने गरेको छ ।
यो कार्यक्रममा नेपाली कांग्रेसका प्रभावशाली नेता शेखर कोइराला, कांग्रेस केन्द्रीय सदस्य अमृत अर्याल, नेपाली कांग्रेस मोरङ अध्यक्ष डिग बहादुर लिम्बु ,प्रमुख सचेतक तथा प्रदेशसभा सदस्य केदार कार्की ,विराटनगर महानगरका मेयर भीम पराजुली ,उपमेयर इन्दिरा कार्की,कांग्रेस मोरङ जिल्ला सचिव मोदराज घिमिरे ,सदस्य राजेश गुप्ता,ट्रेड युनिय प्रदेश १ का अध्यक्ष नारायण वाबु कार्की , मोरङ जिल्ला अध्यक्ष शुसिल कोइराला लगायतले खाना खुवाउने अभियानमा सरिक भइसकेका छन् ।
लकडाउनका कारण खाना खाने स्थानको अभाव झेलिरहेकाहरुलाई मध्यनजर गर्दै थालिएको अभियान फलदायी भएको कार्यबाह सभापति न्यौपानेले बताए । उनले सामाजिक भावका साथ गरिएका कामको सवैले प्रशंसा गरिदिएकोमा आभार समेत व्यक्त गरेका छन् । यस संगै महानगर समितिका उपसभापति प्रबिण जोशी,पंकज बर्मा,सचिव प्रकाश दाहाल ,कोषाध्यक्ष सन्तोष अधिकारी लगायतका ब्यक्तिहरु महिनौ देखि खाना खुवाउने अभियानमा जुटिरहेका छन् ।
नेपाल र चीनबीच बीआरआई फ्रेमवर्कमा हस्ताक्षर
रवि लामिछानेका समर्थक र चितवन प्रहरीबीच झडप
पार्टी सभापति शेरबहादुर देउवालाई कोइराला पक्षका साना नेताहरुको सत्तोसराप, कोइराला र रिजालले कुरा चपाएर भाषण गरे
विराटपोष्ट डिजिटल प्रा.लि.
विराटनगर – मोरङ ,नेपाल
कम्पनी दर्ता प्रमाणपत्र नं.:२२७८४३/०७६/०७७
स्थायी लेखा नं.:६०९६५५९५५
सूचना तथा प्रसारण विभाग दर्ता नं:१६६५/०७६/०७७
Email: [email protected]
