featured photo: Birat Post

विराटनगर ६ जेष्ठ ।
कोरोना भाइरस विरुद्धको बनाइएकको खोपको पहिलो चरणको परिक्षण सकारात्मक पाइएको अमेरिकी बायोटेक कम्पनी मोदेर्नाले जनाएको छ । परीक्षण गर्दा खोपले कोरोना भाइरसविरुद्ध लड्न प्रतिरक्षात्मक भूमिका खेलेको बताइएको छ । खोप दिएका ८ जनामा न्युट्रलाइजिङ्ग एन्टिबडी फेला परेको मोर्देनाले उल्लेख गरेको छ ।

पहिलो चरणको डोज लिएका ८ जनाको शरीरमा बनेको एन्टिबडीले कोभिड–१९, सार्स–कोभी–२ विरुद्ध लड्ने क्षमता देखिएको छ । उक्त क्षमता कोरोना भाइरसको संक्रमणबाट निको भएका व्यक्ति बराबर र कसैमा त्यो भन्दा माथि देखिएको मोदेर्नाले उल्लेख गरेको छ । पहिलो चरणमा गरिएको परीक्षण सकारात्मक देखिए संगै अनुसन्धानमा संलग्न वैज्ञानिक उत्साही भएका छन् ।