Birat Post सोमबार, बैशाख २९, २०७७ मा प्रकाशित
विराटनगर २९ बैशाख ।
नेपालको भुमि लिपुलेकमा भारतले सडक बनाएको विषयलाई लिएर चौतर्फी आलोचना भएको छ । यसै विषयलाई लिएर सोमवार मोरङका पूर्व नेविसंघ नेताहरुआन्दोलनमा उत्रेका छन् । उनीहरुले भारतको मिचाहा प्रबृत्ति र सरकारको रबैयाको विरोध गरेका छन् । यस्तै उनिहरुले परराष्ट्र मन्त्रालयले निकालेको प्रेस बिज्ञप्तिको विषयलाई लिएर समेत विरोध गरेका छन् ।
विराटनगरको गुद्री चौकमा जम्मा भएका पूर्व नेविसंघका नेताहरुले देशव्यापी आन्दोलनमा होमिने शंकेत देखाएका छन् । उनिहरुले सरकारलाई तत्काल बार्तामार्फत सीमाविवाद समाधान गर्न आग्रह गरेका छन् । विरोध कार्यक्रममा नेविसंघका पुर्वनेताहरु यदु बिष्ट, राजु मास्के, सन्तनु रेग्मी , मदन संग्रौला,रन्जित झा, सुर्यमाराज राई ,नेपाली कांग्रेस विराटनगर महानगरका कार्यबाहक सभापति अरुण न्यौपाने ,कांग्रेस नेतृ पर्मिला थापा लगायतले भारतले नेपाली भुमि हस्तक्षेप गर्दा सरकारले औपचारीकतामात्र पुरा गरेको आरोप लगाएका छन् । उनिहरुले दुइतिहाइको सरकारले नेपाली भुमि बेचेको आरोप समेत लगाए ।
भारत , चिन र नेपालका प्रतिनिधि वीच तत्काल बार्ता थालनी नभए देशव्यापी आन्दोलनको विकल्प नभएको बताएका छन् । पूर्व नेविसंघ नेता राजु मास्केले आन्दोलनका लागि थप तयारी भइरहेको र सरकारले तत्काल त्रीपक्षिय बार्ता नगरे आन्दोलनले निरन्तरता पाउने जानकारी दिए ।
उपनिर्वाचनमा केन्द्रीय नेताहरुको चासो,राप्रपा अध्यक्ष लिङ्देन र प्रवक्ता शाही मंगलबार ग्रामथान आउदै
आठ जना एसएसपी डिआइजीमा बढुवाका लागि सिफारिस
प्रसाईँलाई थप ५ दिन हिरासतमा राखेर अनुसन्धान गर्न अदालतको अनुमति
विराटपोष्ट डिजिटल प्रा.लि.
विराटनगर – मोरङ ,नेपाल
कम्पनी दर्ता प्रमाणपत्र नं.:२२७८४३/०७६/०७७
स्थायी लेखा नं.:६०९६५५९५५
सूचना तथा प्रसारण विभाग दर्ता नं:१६६५/०७६/०७७
Email: [email protected]
