Birat Post बुधबार, बैशाख ०३, २०७७ मा प्रकाशित
विराटनगर ३ बैशाख /
तराइ क्षेत्रमा रहेका मस्जिदहरुमा बिदेशी नागरिकहरु आश्रय लिएर बसेको पाइएको छ । कोरोना सक्रमण संगै भएको लकडाउनका कारण उनिहरुको पहिचान भएको हो । हालै मात्रै मोरङको सुनबर्षी नगरपालिकामा रहेको डाँइनियास्थित एक मस्जिदमा ९ जना पाकिस्तानीहरु भेटिएका छन् । उनीहरु धर्मगुरु भएको बताइएको छ । स्रोतका अनुसार उनीहरुमा कोरोना परिक्षण समेत गरिएको र नेगेटिभ रिपोर्ट आएको बताएको छ । उनीहरु कोरोना सक्रमित छैनन् र आफ्नो देश फर्कन चाहिरहेको बुझिएको छ ।
यसै गरी सुनसरीको भोक्राहा नरसिह गाउपालिकामा रहेको खतिजन कुव्रा नामक मस्जिदमा १० जना भारतीय मुलका बंगालीहरु आश्रय लिएर बसेको फेला परेको छ । नेपाल मुस्लिम संघ प्रदेश १ का सभापति हाजी इसराइल मन्सुरीका अनुसार इज्तेमामा सहभागी हुन आएका १० जना जमातीहरु भारतको पश्चिम बंगाल राज्यको पश्चिम मधनीपुर कलकताको भएको बताएका छन् ।
लक डाउन अघि वा सोही अवधीभित्र विदेशबाट बैद्य अवैद्य रुपमा आएर बस्दै आएका मध्ये सुनसरीमा ५५ जनालाई प्रहरीले पत्ता लगाएको हो । यसरी फेला परेका विदेशी नागरिकहरुमा अधिकांश जिल्लाका विभिन्न मस्जिदहरुमा आश्रय लिई बसिरहेको अवस्थामा प्रहरीले फेला पारेको हो ।
मस्जिदमा आश्रय लिईरहेकाहरु भारत, पाकिस्तानसहित विभिन्न मुलुकबाट सप्तरीमा सम्पन्न इज्तमा सहभागी भएका छन् भने केही भारतको नयाँ दिल्लीको निजामुद्दीनमा भएको तबलिगी जमातबाट फर्किएकाहरु रहेको जिल्ला प्रहरी कार्यालय सुनसरीले जनाएको छ ।
सुनसरीको इटहरी उपमहानरपालिका १८ स्थित जितपुर मस्जिदबाट ८ जना पाकिस्तानी, हरिनगर १ भुटाहा मस्जिदबाट १४ जना भारतीय, दुहवी नगरपालिका १ मा रहेको मस्जिदबाट ११ जना पाकिस्तानी, बर्जु गाउँपालिकामा रहेको मस्जिदबाट १२ जना भारतीय र भोक्राहा नरसिंह गाउँपालिकामा रहेको मस्जिदबाट १० जना भारतीय बंगालीहरु फेला परेका हुन् । उनिहरुलाई थप निगरानी गरी आबश्यक स्वास्थ्य शुरक्षा प्रबन्ध गरिरहेको सुनसरी प्रहरीले जनाएको छ ।
प्रसाईँलाई थप ५ दिन हिरासतमा राखेर अनुसन्धान गर्न अदालतको अनुमति
उपनिर्वाचनका दिन सवारी चलाए २५ हजार जरिवाना
जेनिथ कलेजमा एकदिने अभिमुखीकरण कार्यक्रम सम्पन्न
विराटपोष्ट डिजिटल प्रा.लि.
विराटनगर – मोरङ ,नेपाल
कम्पनी दर्ता प्रमाणपत्र नं.:२२७८४३/०७६/०७७
स्थायी लेखा नं.:६०९६५५९५५
सूचना तथा प्रसारण विभाग दर्ता नं:१६६५/०७६/०७७
Email: [email protected]
