Birat Post शनिबार, चैत्र २९, २०७६ मा प्रकाशित
विराटनगर २९ चैत्र ।
कोरोना भाइरस सक्रमणको जटिल परिस्थितिमा पनि अग्रमोर्चामा रहेर काम गरिरहेका स्वास्थ्यकर्मीहरुलाई उच्च मनोबलका साथ काम गर्न नेपाल स्वास्थ्यकर्मी संघ मोरङले आग्रह गरेको छ । संघले शनिवार एक बिज्ञप्ति प्रकाशित गर्दै प्रदेश र स्थानिय तहका सरकारहरुले स्वास्थ्यकर्मीको सवालमा गरिरहेका कार्यहरुको प्रशंसा गरेको छ ।
स्वास्थ्यकर्मीको मनोबल बढाउने कार्यमा सरकारले गरिरहेका गतिविधि प्रशंसायोग्य भएपनि आबश्यक स्वास्थ्य शुरक्षाका सामानको अझै अभाव भइरहेकोमा ध्यानाकर्षण गराएको छ । संघका अध्यक्ष रमेश कार्कीद्धारा हस्ताक्षरित बिज्ञप्तिमा जोखिम भत्ता,विमा र अन्य सुविधा तत्काल उपलब्ध गराउन समेत आग्रह गरेको छ ।
यस्तै विराटनगर महानगरले स्वास्थ्यकर्मीले खाइपाइ आएको तलब बराबरको शतप्रतिशत प्रोत्साहन भत्ता उपलब्ध गराउने निर्णयको संघले प्रशंसा गरेको छ । मानव स्वास्थ्यका लागि सबै स्वास्थ्यकर्मीले दिनरात केही नभनी कोरोना महामारी विरुद्धका काममा जुटिरहेको र भइपरी आउने हरेक परिस्थितीको सामना गर्न तयार रहेको समेत संघले जनाएको छ ।
विराट एक्स्पोमा व्यवसायीक सहकार्यकालागि विराट बजार विटुवि पेभिलियनको व्यवस्था
भारत उत्तर प्रदेशको प्रयागराजस्थित त्रिवेणी संगममा महाकुम्भ,धर्मानुरागीको भिड
स्वस्थानीको कथा सुन्ने र सुनाउने चलन,धर्मप्रतिको जनविश्वास अझ बढ्दो
विराटपोष्ट डिजिटल प्रा.लि.
विराटनगर – मोरङ ,नेपाल
कम्पनी दर्ता प्रमाणपत्र नं.:२२७८४३/०७६/०७७
स्थायी लेखा नं.:६०९६५५९५५
सूचना तथा प्रसारण विभाग दर्ता नं:१६६५/०७६/०७७
Email: [email protected]
