featured photo: Birat Post

विराटनगर २८ चैत्र /
विराटनगरको मेनरोडमा साँढेको खुट्टामा लोटा अड्किएर हिंडडुल गर्न कठिनाई भोगिरहेको एउटा दृष्य बिहिवार सामाजिक सन्जालमा सार्वजनिक भयो । विराटनगरका निलम निरौलाले फेसवुकमा हालेको फोटोमा साँढेले भोगिरहेको कठिनाइ बारेमा थियो । निरौलाले कसै गरेपनि साँढेको खुट्टामा अड्किएको लोटा निकाल्न नसकेको दुखेसो फेसवुकमा गरेका थिए ।

फेसवुकमा चलेको चर्चा संगै यो कुरा विराटनगर महानगरका मेयर भीम पराजुलीकोमा पुग्यो । धार्मिक पृष्ठभूमिका उनले तत्कालै नगरका विभिन्न स्थानमा साढेको खोजि गरे तर साढे भेटिएन । विहिवार हराएको साँढे जैन भवनको छेउमा शुक्रबार विहान फेला प¥र्यो । त्यही सुचनाका आधारमा मेयर पराजुलीसहित नगर प्रहरीको टोलीले साँढेको खुट्टामा अड्किएको लोटा निकाल्न पुगे । नियन्त्रणमा लिएर साँढेको खुट्टाबाट लोटा निकालिएको छ । अगाडीको खुट्टामा अड्किएको लोटाका कारण खुर भाचिएको जनाएको छ । साँढे हराएको र भेटिएको चर्चा भन्दा पनि प्राणीजगतको सेवा पनि महत्वपूर्ण भएको मेयर पराजुलीले प्रतिक्रिया दिएका छन् ।