Birat Post सोमबार, चैत्र ०३, २०७६ मा प्रकाशित
श्रेया पोखरेल,
विराटनगर ३ चैत्र /
पशुहरुको निशुल्क उपचारमा विराटनगर महानगर जुटेको छ । पशुवाट मानिसले धेरै लाभ लिए पनि पशु प्रति गरिने ब्यवहारमा परिवर्तन ल्याउन भन्दै महानगरले यसखाले कार्यक्रम ल्याएको हो । यसै अन्तरगत महानगरपालिकाले एकदिने निःशुल्क पशु स्वास्थ्य शिविर आयोजना सम्पन्न गरेको छ । सोमवार महानगर स्थित वडा नं १९ मा गरिएको शिविरमा ५सय ८ वटा पशुको स्वास्थ्य परिक्षण गरिएको भेटनरी साखा प्रमुख हिरालाल यादवले जानकारी दिए । शिविरमा नाम्लेजुकाको औषधी वितरण ,बेरामी पशुको परिक्षण ,गर्भपरिक्षण ,शल्यक्रिया ,बोका र बहरको बन्ध्याकरण लगायतका काम गरिएको छ ।
महानगर भित्रका केही वडाहरुमा कृषकहरुको राम्रै बस्ति छ । यसखाले कार्यक्रमले कृषकहरु लाभान्वित भएका छन् । शिविरमा सहभागि भएका मेयर भीम पराजुलीले मानवले पशुहरु बाट लिने लाभ संगै उनीहरुप्रति गरिने ब्यवहारमा सद्भाव देखाउन निशुल्क स्वास्थ्य शिविर आयोजनाका लागि पहलकदमी लिएको बताए । महानगर भित्रका पशु पालक कृषकलाई लाभ हुने गरी थप कार्यक्रम ल्याइने मेयर पराजुलीले बताए । यस्तै वडाध्यक्ष बद्री सरदारले आफ्नो वडामा पशुपालक कृषकको संख्या बढी भएको र लाभान्भित भएको बताए । यस खाले कार्यक्रमलाई समय समयमा निरन्तरता दिइने सरदारले बताए ।
पशुहरुको निशुल्क उपचारका केही दृष्यहरु :
ताप्लेजुङको पाथीभरा क्षेत्रमा हिमपात
नेपालमै पहिलो पटक बालविकास सम्वन्धि अन्तर्राष्ट्रिय सम्मेलन हुने
ग्रेटर नेपाल अभियानका फणिन्द्र नेपाल पक्राउ
विराटपोष्ट डिजिटल प्रा.लि.
विराटनगर – मोरङ ,नेपाल
कम्पनी दर्ता प्रमाणपत्र नं.:२२७८४३/०७६/०७७
स्थायी लेखा नं.:६०९६५५९५५
सूचना तथा प्रसारण विभाग दर्ता नं:१६६५/०७६/०७७
Email: [email protected]
