Birat Post सोमबार, माघ ०६, २०७६ मा प्रकाशित
विराटनगर ६ माघ । उच्च शिक्षालय तथा माध्यमिक विद्यालय संघ (हिसान) मोरङले आठौं हिसान स्पोर्ट्स मिट साेमवार देखि विराटनगरमा शुरु भएको छ ।
क्रिकेट प्रतियोगिताको उद्घाटन विराटनगर महानगर पालिकाका प्रमुख भीम पराजुलीले ब्याटिङ र वडा नम्बर १४ का कावा वडा अध्यक्ष महिचन्द्र यादवले वलिङ गर्दै उद्घाटन गरे ।
आज भएको क्रिकेटको उद्घाटन खेलमा ग्रिनल्याण्ड कलेजले जित हात पारेको छ । ग्रिनल्याण्डले लर्डबुद्ध कलेजलाई ३० रनले पराजित गर क्वाटरफाइनलमा प्रवेश गरेको छ । ग्रिनल्याडले दिएको १ सय २४ रनको लक्ष्य पछ्याएको लर्डबुद्धले निर्धारित २० ओभरमा ८ विकेट गुमाई ९३ रन मात्र जोड्न सक्यो उसकालागि दिपक ढुंगानाले २३ रन बनाउँदा विद्यानन्द मण्डलले १२ रन जोडे । ग्रिनल्याण्डका मुकेश सिंश र राहुल गुम्ताले ३–३ विकेट लिँदा ज्योतिस यादवले २ विकेट लिए ।
यस अघि टस जितेर ब्याटिङ गरेको ग्रिनल्याण्डले निर्धारित २० ओभरमा ६ विकेट गुमाई १ सया २३ रनको योगफल तयार पोरेको थियो स ग्रिनल्याण्डकालागि प्रशान्त सिंङ एक्लैले नट आउट ८६ रनको ठोस पारि खेलेका थिए । सिंङले आफ्नो पारीमा ८ छक्का र ५ चौका प्रहार गरे । त्यस्तै कमल पाण्डेले ११ रनको योगदान गरे । लर्डबुद्धका सुमन मण्डलले ३ विकेट र पवन साहले २ विकेट लिए ।
माघ १७ गतेसम्म हुने मिटमा फुटबल, क्रिकेट, भलिबल, टेबल टेनिस, एथलेटिक्स र बास्केटबलका खेल हुनेछ । यस खेल महोत्सवमा जिल्लाका २८ विद्यालयका २ हजार विद्यार्थी खेलाडीले भाग लिने छन् । प्रतियोगिता आयोजना गर्न करिब ११ लाख खर्च हुने जनाएको छ ।
राप्रपाले पुष १३ गते इटहरीमा विरोधसभा गर्ने
काँग्रेसका युवा नेता प्रविन जोशी काँग्रेस क्षेत्र नं ६ (ख) को कोषाध्यक्षमा मनोनित
तेक्वान्दोको ग्रेडिङ्ग दमकमा सुरु, प्रदेश भरीको १३१ खेलाडीको सहभागि
विराटपोष्ट डिजिटल प्रा.लि.
विराटनगर – मोरङ ,नेपाल
कम्पनी दर्ता प्रमाणपत्र नं.:२२७८४३/०७६/०७७
स्थायी लेखा नं.:६०९६५५९५५
सूचना तथा प्रसारण विभाग दर्ता नं:१६६५/०७६/०७७
Email: [email protected]
