featured photo: Birat Post

विराटनगर २९ विराटनगर ,
विराटनगरवासीले शुद्ध खानेपानी खान पाउने भएका छन् । विराटनगर महानगरपालिका र जापान अन्तराष्ट्रिय सहयोग नियोग जाइका संगको सहकार्यले सार्थकता पाए केही वर्ष भित्रै एक घर ,एक धाराको सपना पुरा हुने छ । यो विराटनगरवासीका लागि खुसिको खवर पनि हो ।
विराटनगर महानगरका मेयर भीम पराजुलीको सक्रियतामा यो काम हुन लागेको हो । एक वर्ष अगाडी जाइकाका प्रतिनिधि संग मेयर पराजुलीले विराटनगरको खानेपानी अवस्थावारे अवगत गराएका थिए । यसै विषयलाई लिएर विराटनगर महानगरपालिका र जाइकाको प्रतिनिधि र कन्सल्टेन्ड संग दर्जनौ पटक छलफल र स्थलगत अनुगमन समेत भइसकेको छ । विराटनगरमा खानेपानिका लागि काम गर्न जाइका तयार भए संगै डिपिआरको काम समेत हुन थालेको छ । विराटनगर महानगर र जाइकाको कन्सल्टेन्ड याचियो इन्जिनियरिङ कर्पुरेसन लिमिटेड वीच डिपिआरका लागि सहमति भइसकेको छ । कन्सल्टेन्डका प्रमुख कात्सुमी फुजीको नेतृत्वमा आएको ४ सदस्य टोलिले विराटनगरमा आफ्नो काम शुरु गरेको छ ।
एक घर ,एक धाराको अवधारणा सहित स्वच्छ खानेपानि नगरवासीलाई ख्वाउने आफ्नो सपना रहेको भन्दै मेयर पराजुलीले पूर्ण विश्वासका साथ यो कार्यमा जुटेको बताए । विराटनगरमा ६० वर्ष भन्दा अगाडीका खानेपानिका पायपहरु जिर्ण अबस्थामा छन् । पायप ब्रष्ट हुदा कतिपय ठाउँमा फोहर पानि पिउन नगरवासीहरु बाद्य छन् । केहि बर्ष अगाडी पानिकै कारण फैलिएको जन्डिसका कारण विराटनगरका १३ जनाले ज्यान गुमाउनु परेको थियो । खानेपानिका लागि महानगरले जाइका संग गरेको यो योजना सफल भए विराटनगरवासीका लागि यो भन्दा खुसिको खवर अरु हुने छैन ।

सम्बन्धित

ताप्लेजुङको पाथीभरा क्षेत्रमा हिमपात

ग्रेटर नेपाल अभियानका फणिन्द्र नेपाल पक्राउ

पाठेघरको मुखको क्यान्सरसम्बन्धी अभिमुखीकरण सम्पन्न

दुर्गा प्रसाईंलाई अदालतमा उपस्थित गराइयो