Birat Post बिहिबार, चैत्र २१, २०८१ मा प्रकाशित

featured photo: Birat Post

 

विराटनगर,२१ चैत । राष्ट्रिय प्रजातन्त्र पार्टी नेपालका उपाध्यक्ष बल्लभप्रसाद दाहालले एउटा दलद्वारा स्थापित निरङ्कुश सत्ता विरुद्ध अर्को दलले आन्दोलन गर्न कठिन भए पनि गार्हो चाँही नहुने बताएका छन् ।

सामाजिक सञ्जाल फेसवुकमा स्टाटस लेख्दै नेता दाहालले नेपालजस्तो भूगोल, इतिहास र विविधताले भरिएको देशमा एउटा दलद्वारा स्थापित निरङ्कुश सत्ता विरुद्ध अर्को दलले सशक्त रूपमा लड्नु सजिलो नभएको बताएका छन् । उनले जुनसुकै राजनीतिक दल आए पनि, उनीहरूको उद्देश्य सत्ताको निरन्तरता र स्वार्थमा केन्द्रित देखिन्छ, जनताको चाहना र राष्ट्रिय हितको परवाह गर्नेसम्मको सामर्थ्य गुमाउँदै गएको उल्लेख गरेका छन्।

उनी लेख्छन्,”नेपालजस्तो भूगोल, इतिहास र विविधताले भरिएको देशमा एउटा दलद्वारा स्थापित निरङ्कुश सत्ता विरुद्ध अर्को दलले सशक्त रूपमा लड्नु सजिलो नभए पनि गार्हो हुदैन ।  पछिल्ला घटनाक्रमहरूले यस यथार्थलाई थप पुष्टि गरिदिएका छन्। जुनसुकै राजनीतिक दल आए पनि, उनीहरूको उद्देश्य सत्ताको निरन्तरता र स्वार्थमा केन्द्रित देखिन्छ, जनताको चाहना र राष्ट्रिय हितको परवाह गर्नेसम्मको सामर्थ्य गुमाउँदै गएका छन्। यस्तो अवस्थामा अब “राजा सबैका साझा हुन्” भन्ने विचार फेरि सशक्त ढंगले उठ्न थालेको छ। इतिहास साक्षी छ—श्री ५ पृथ्वीनारायण शाहले विभिन्न साना राज्यहरूलाई एकतामा बाँधेर आधुनिक नेपाल निर्माण गर्नुभयो। उहाँकै १३औं–१४औं पुस्ता अझै पनि नेपालमै हुनु हुन्छ, जसको प्रतिनिधित्व वर्तमानमा श्री ५ ज्ञानेन्द्र शाहले गर्दै आउनुभएको छ। वाहाँ हरूका लागि नेपाल कुनै राजनीतिको साधन मात्र होइन, यो त पुर्खाहरूको रगतले सिंचित, श्रद्धा र समर्पणले बनाइएको देश हो। देश रहे राजा रहने हो—नत्र न देश रहन्छ, न राजा। आजका राजनीतिक दलहरूको व्यवहार हेर्दा नेपाली जनतासँग राजा जत्तिको सहज, विश्वासिलो र साझा विकल्प छैन। यो कुरा सबै दल र नेताहरूलाई थाहा भए पनि, विगतका गल्तीहरू स्वीकार गरेर सुधार गर्ने साहस उनीहरूमा देखिँदैन। बरु विदेशी शक्तिको प्रभावमा परेर राष्ट्रिय स्वाभिमानमा आँच आउने कार्यहरू बढ्दै गएका छन्। अतः अहिलेको परिस्थिति भन्दछ—नेपाली जनताले अब राजसंस्थालाई संरक्षण गर्नु आवश्यक छ। राजनीतिमा सन्तुलन ल्याउन, राष्ट्रको साख जोगाउन र जनताको भावना सम्बोधन गर्न राजसंस्थाको पुनर्स्थापना अपरिहार्य बन्न थालेको छ। राजा भनेको उहिल्यै पनि जनताकै छायाँको रुपमा रहेकोले —देश संकटमा हुँदा “देश छोड” भन्नेहरूबीच उभिएर सहनशीलतापूर्वक साथ दिनु भएको बेला आज “राजा आऊ, देश बचाऊ” भन्ने आवाज उठ्दै गर्दा जहाँ राजाले बिशाल शक्ति आर्जन गर्नु भएको बेलामा राजा प्रतिको कटुता हठात् मानसिकताको उपज मात्र हुनेछ। अब आवश्यक छ—एक नवीन समझदारी। एउटा यस्तो सहमति, जसमा हिन्दू अधिराज्यको मौलिक पहिचानसहित राजा, दलहरू र सम्पूर्ण नेपाली जनताको सहअस्तित्व सम्भव होस्। यही बाटोमा मात्र राष्ट्रिय एकता, स्थायित्व र समृद्धिको ढोका खुल्नेछ। यदि अझैपनि यो सन्देश नबुझियो भने, देश कता जान्छ—त्यो त समयले देखाउनेछ। तर त्यो बेला दल र दलहरूको नेता लागि ढिलो भइसकेको हुनेछ।”

सम्बन्धित

ताजा अपडेट
सुनको मूल्य तोलामा ३९०० घट्यो
इक्युवालिटि कप क्रिकेटको उपाधि मोरङलाई
एउटा दलको निरङ्कुश सत्ता विरुद्ध अर्को दलले आन्दोलन गर्न कठिन भए पनि गाह्रो चाहिँ हुन्न : राप्रपा नेता बल्लभ दाहाल

सम्पर्क

 

 

 

विराटपोष्ट डिजिटल प्रा.लि.

विराटनगर – मोरङ ,नेपाल

कम्पनी दर्ता प्रमाणपत्र नं.:२२७८४३/०७६/०७७
स्थायी लेखा नं.:६०९६५५९५५

सूचना तथा प्रसारण विभाग दर्ता नं:१६६५/०७६/०७७
Email: [email protected] 

सामाजिक संजाल

सञ्चालक तथा सम्पादक

कौशल निरौला

 सम्पादन मण्डल 

रोशिका अधिकारी

स्वस्तिका पाेखरेल

  निर्देशक

सुजन निरौला

काठमान्डौं व्यूरो
   सम्पादक
विनोद पोखरेल

बिज्ञापनका लागि :

विराटनगर :९७०५५१५५९९ / ९८५२०८७८२०
काठमान्डौं : यादव पोखरेल –  ९८४२०५९१२९

[email protected]

विराटपोष्ट  डिजिटल प्रा.लि.

विराटनगर – मोरङ ,नेपाल